Auto&Tech

Telefoni i ardhshëm i palosshëm Samsung do të jetë W20 5G

Autori: Gazeta inFokus 16:28 | 18 September 2019

Samsung ka lëshuar telefona në ekran me prekje të palosshëm për dhjetë vjet, por këto pajisje rrallë shihen jashtë Kinës.

Kjo nuk e pengon kompaninë e Koresë së Jugut të prezantojë një variant të ri çdo vit.

Kësaj radhe pajisja do të quhet Samsung W20 5G dhe është pasardhësi i Samsung W2019.

-Advertisement-

Seria W zakonisht prezantohet gjatë vjeshtës, kështu që W2019 arriti në nëntor të vitit të kaluar me çip Snapdragon 845. Ndërsa specifikimet e telefonit të ri janë të panjohura, W20 5G pritet të ketë një Snapdragon 855 ose 855+, me spekulimet që sugjerojnë deri në 512 GB hapësirë për ruajtje.

Çmimi i këtyre telefonave është ndoshta pengesa më e madhe për lansimin e tyre global. Samsung W2019 kushton mbi 1200 dollarë, dhe një çmim ende më i lartë pritet për W20 5G për shkak të zbatimit të rrjetit të gjeneratës së ardhshme.