Lajme

Majlinda e artë edhe në Gjermani

Autori: Gazeta inFokus 19:04 | 22 February 2019

Majlinda Kelmendi e ka fituar medaljen e artë në Grand Slamin e Dusseldorfit.

Në finale, kampionia olimpike e ka mposhtur xhudisten nga Mongolia, Sosorbaram Lkhagvasuren.

Me këtë rast, xhudistja pejane e fitoi medaljen e dytë të artë në vitin 2019 pas asaj të fituar në Grand Prix të Tel Avivit.

-Advertisement-

Në gjysmëfinale, Kelmendi e kishte mposhtur xhudisten italiane Odette Giuffrida me ippon në kategorinë deri në 52 kilogramë.

Majlinda e kishte mposhtur italianen edhe në finalen e madhe të Lojërave Olimpike “RIO 2016”.

Në çerekfinale, Majlinda e mposhti xhudisten koreane, Bokyeong Jeong, gjithashtu me Ippon.

Fillimisht, kosovarja ishte duke humbur me rezultat teknik, mirëpo, afër fundit të meçit, ajo u tregua shumë e fortë për kundërshtaren e saj, e cila tentonte ta sigurojë një vend në gjysmëfinale duke humbur kohë.

Në rrethin e tretë, xhudistja pejane e mposhti xhudisten braziliane, Eleudis Valentim, ndërsa në rrethin e dytë, triumfoi kundër xhudistes gjermane, Verna Thumm.

Të dyja këto meçe, në rrethin e dytë dhe të tretë, Kelmendi i kaloi duke i mposhtur kundërshtaret me Ippon, ndërsa rrethin e parë e kaloi pa luftë.

Në Grand Slamin e Gjermanisë po marrin pjesë 683 garues nga 97 shtete.

Grand Slami është i vlefshëm për pikë Olimpike Tokio 2020.

Subscribe në YouTube: GAZETA INFOKUSI
Nis bashkëpunimi serioz dhe strategjik midis Comodita dhe JYSK International
-Advertisement-

Të tjera

Fokusi

lajme