Auto&Tech

Xiaomi është duke zhvilluar një telefon me kamerë 48 megapikselë

Autori: Gazeta inFokus 19:38 | 05 December 2018

Pasi që Sony ka shfaqur një sensor kamere 48 megapikësh për telefon, më parë këtë vit, duket se gara me megapiksel po vazhdon edhe një herë për pajisjet mobile. Huawei me pajisjet më të fundit, Mate 20 dhe P20 Pro, kanë nga 40 megapikselë.

Rivali i tyre lokal, Xiaomi, po kërkon të shtyjë gjërat në një nivel të ri me një telefon që ka një kamerë të pasme prej 48 megapikselësh.

Drejtori ekzekutiv në Xiaomi, Lin Bin, postoi një fotografi në Weibo për atë që duket të jetë një telefon me një kamerë të pasme 48 megapikselë. Gjithashtu mund të shohim një blic të dyfishtë LED në imazh. Numri i lenteve nuk është i qartë nga kjo foto, kështu që mund të jetë ose një sistem i dyfishtë ose i trefishtë i kamerës.

-Advertisement-

Nuk ka informacione të mëtejshme në këtë pikë, përveç se do të lansohet në janar të vitit të ardhshëm. Bin shtoi se ai e ka përdorur këtë telefon për disa javë dhe mendon se nuk është “keq”.

Nëse kompania do të lansojë këtë telefon muajin e ardhshëm, ka shumë gjasa që të ketë telefonin e parë në botë me një kamera 48 megapikselë. Nëse do të përdorë sensorin Sony ose Samsung të kamerës 48MP, mbetet për t’u parë.

Subscribe në YouTube: GAZETA INFOKUSI