Rozë

“Do votoj PD-në”, Trump: Tani, më pëlqen 25% më pak Taylor Swift

Autori: Gazeta inFokus 13:16 | 09 October 2018

Mbështetja e deklaruar hapur ndaj dy demokratëve prej këngëtares Taylor Swift për zgjedhjet e ardhshme afatmesme të SHBA ka ndezur një valë reagimesh pro dhe kundër saj, duke përfshirë edhe vetë presidentin Donald Trump.

I pyetur nga gazetarët se si do t’i përgjigjej “hyrjes” në politikë të këngëtares, Trump me ironi tha: “Muzika e Taylor më pëlqe rreth 25% më pak tani”.

Këngëtarja-kompozitore, më parë kishte refuzuar të fliste për politik, por dje tha se ngjarjet në “dy vitet e fundit” i kanë ndryshuar mendjen. Ajo pranoi se do të votojë dy demokratë në Tennessee, shtetin e saj, në një postim në Instagram, ku ajo ka 112 milion fansa.

-Advertisement-

“Në të kaluarën unë kam ngurruar të shpreh zërin publikisht për mendimet e mia politike, por për shkak të disa ngjarjeve në jetën time dhe në botë në dy vitet e fundit, tani ndihem shumë ndryshe”, ka shkruar ajo.

Ajo veçanërisht kritikoi kandidaten e Senatit nga Republikanët, Marsha Blackburn për votimin e saj për barazinë gjinore.

“Votimi i saj në Kongres më tmerron,” shkroi Swift, duke cituar votat e politikanes kundër legjislacionit të pagës së barabartë dhe dhunës në familje.

Por duke folur të hënën, Trump mori në mbrojtje Blackburn duke thënë se ajo “po bën një punë shumë të mirë” në shtetin shtëpiak të Swift.

“Ajo është një grua e jashtëzakonshme. Jam e sigurtë se Taylor Swift nuk di asgjë për të”, tha ai.

Postimi i Sëift është pëlqyer nga më shumë se 1.6 milion njerëz që kur ajo e ndau atë të dielën, duke përfshirë modelen Chrissy Teigen, këngëtaren Katy Perry dhe aktoren Reese Witherspoon.

Taylor u vlerësua nga shumë njerëz, por nxiti gjithashtu një reagim të ashpër nga mbështetësit republikanë.

Ndërkohë kujtojmë se në cicërimat e postuara në 2012, Presidenti i SHBA e kishte përshkruar Swift si “fantastike” dhe e falënderonte atë për fotografinë së bashku.

Subscribe në YouTube: GAZETA INFOKUSI