Lajme

Thaçi: Haradinaj të bëhet serioz, është rehatuar tepër në karrige

Autori: Gazeta inFokus 16:56 | 08 October 2018

I pari i Kosovës, Hashim Thaçi në një konferencë për medie ka deklaruar se kryeministri i vendit, Ramush Haradinaj duhet të jetë më i përgjegjshëm me deklaratat e tij për dialogun.

Ai madje ka thënë se Haradinaj duket se ndihet komod në karrigen e tij, shkruan gazeta Infokus.

“Dialogu nuk ka vdekur, përkundër është në një fazë të rëndësishme. Është deklaratë interesante nga ana e kryeministrit që tregon se ose është në humor të mirë ose ndihet tepër komod në karrigen e tij por unë kam prit nga ai që të jetë më racional dhe i përgjegjshëm në deklaruat e tij lidhur me dialogun”, ka thënë Thaçi.

-Advertisement-

Duke shtuar se Haradinaj ka nevojë për korrigjim të deklaratave të ti, Thaçi ka thënë se kryeministri duhet të behet serioz në deklarimet e tij.

“Një kryeministër serioz nuk flet çdo ditë për luftë dhe tragjedi por për ndryshme dhe reforma. Ai ka dështuar të bëjë këtë sidomos majave të fundit”, ka thënë ai.

Ndryshe ditë më parë, kryesuesi i dialogut teknik me Serbinë, Avni Arifi, ka deklaruar se dialogu teknik me Serbinë ka vdekur.

“Dialogu teknik ka vdekur në momentin kur erdhi radha të Serbia për implementimin e marrëveshjeve të mbetura. Që në mars është blloku nga pala serbe me miratim të Brukselit”, ka deklaruar Arifi ./Gazeta Infokus/

Subscribe në YouTube: GAZETA INFOKUSI