Lajme

Bashkimi i opozitës, peng i kalkulimeve politike

Autori: Gazeta inFokus 08:36 | 02 October 2018

Ndonëse vazhdimisht deklarojnë se janë për një bashkëpunim të mirëfilltë për rrëzimin e Qeverisë dhe për ndaljen e presidentit Hashim Thaçi në bërjen e “pazareve” me territore, partitë opozitare nuk po arrijnë dot ta krijojnë një plan për t’i realizuar këto dy synime.

LDK-ja, Lëvizja Vetëvendosje dhe PSD-ja ende nuk kanë ndërmarrë asnjë hap sa i përket ngritjes së mocionit për rrëzimin e Qeverisë, ndonëse LDK-ja gjatë tërë kohës po pohon se janë duke punuar për ngritjen e mocionit.

Ndërkohë, pas protestës së organizuar nga LVV-ja më 29 shtator 2018, kundër presidentit Thaçi dhe ideve të tij për çështjen e korrigjimit të kufirit, ky subjekt ka paralajmëruar protesta të serishme në ditët në vijim.

-Advertisement-

Porse asnjëra prej partive tjera në opozitë (LDK, PSD) nuk kanë konfirmuar nëse do të dalin në protestën e radhës, shkruan Zeri.

Megjithëkëtë, përfaqësuesit e të tria partive që nuk janë pjesë e pushtetit aktualisht vlerësojnë se bashkëpunimi opozitar është i domosdoshëm.

Subscribe në YouTube: GAZETA INFOKUSI