Elon Musk dhe kompania Tesla janë paditur për mashtrim nga mbikëqyrësi amerikan i tregjeve, Securities and Exchange Commission (SEC), pas braktisjes së planeve për ta privatizuar kompaninë e prodhimit të makinave elektrike.

Kjo lëvizje mund të çojë deri në ndalimin e Musk të drejtojë një kompani publike, por mund të kalojë edhe me gjoba të rënda për të dhe kompaninë. Aksionet e prodhuesit të automjeteve elektrike kanë rënë më shumë se 4 për qind, në orët e para pas publikimit të lajmit gjatë së enjtes.

Komisioni SEC dhe Departamenti i Drejtësisë kanë hetuar Teslën, pasi Musk sugjeroi në muajin gusht se po përgatitej ta privatizonte kompaninë, duke pretenduar se kishte “financime të siguruara”.

-Advertisement-

“Deklarata e tij ishte false dhe mashtruese. Përgjatë 3 orëve në vazhdim, Musk bëri një seri deklaratash në Tëitter, mbi materiale tërësisht false”, deklaron mbikëqyrësi i tregjeve SEC.

Aksionet asokohe u rritën me 11 për qind, me t’u marrë vesh lajmi, por rezultoi se Musk kishte zhvilluar vetëm bisedime paraprake për privatizimin e kompanisë, ndërkohë që financimet nuk ishin siguruar ende.

Lajmi i gushtit solli aktpadi edhe nga investitorët, disa prej të cilëve kishin vendosur baste për një rënie të ndjeshme të çmimit të aksioneve të Teslës.

Sipas asaj që thekson SEC, “Musk ishte ankuar se Tesla ishte shënjestruar padrejtësisht nga investitorë afatshkurtër (ata që blejnë dhe sheshin shpejt aksionet) dhe deklaroi se këta duheshin ‘djegur’”.

“Ky veprim i pajustifikuar nga SEC më bën të ndihem tejet i trishtuar dhe i zhgënjyer. Gjithmonë kam vepruar në interesin më të mirë të së vërtetës, transparencës dhe investitorëve. Integriteti është vlera më e rëndësishme në jetën time dhe faktet do ta tregojnë se nuk e kam kompromentuar atë në asnjë lloj mënyre”, deklaroi Musk pas lajmit të padisë.

Tesla vet dhe bordi drejtues i saj deklaruan për “CNBC” se kishin besim të plotë te Musk, pas dorëzimit të padisë. SEC, mbikëqyrësi më i lartë financiar i Shteteve të Bashkuara, mund të lançojë padi civile kundër një kompanie apo drejtorëve të saj, e madje edhe mund t’i gjobisë ata. Rregullatori mund të përjashtojë ekzekutivët na postet kryesore të një kompanie publike.

VIVA FRESH E SHPALL KREEEEJT MUAJIN BLACK NOVEMBER!

Sponsoruar

-Advertisement-