Gjykimi i shoferit që shkaktoi vdekjen e udhëtarit
Autori: Gazeta inFokus 11:18 | 07 April 2018
Në gjykimin e Xhemajl Zenelit për rrezikim të trafikut publik dëshmoi eksperti i komunikacionit Ahmet Maxhuni.
Zeneli po voziste një automjet në të cilin përveç udhëtarëve, sipas ekspertit Maxhuni kishte edhe dru, ndërsa mjetit i kishte dështuar sistemi i frenimit.
Pas pyetjes së prokurorit Sahit Tmava se a ishte e lejuar që në automjetin kombi të ketë ngarkesë në bagazh përveç pasagjerëve, eksperti Maxhuni shpjegoi se kjo nuk ishte e lejuar.
“Mjeti i cili ka qenë i përfshirë në këtë aksident në bazë të karakteristikave të tij nuk është e lejuar të bartë dru sikur në rastin që kemi, edhe në rast se kishte qenë furgon që është vetëm me ulëset e para nuk ka të drejtë të bartë sende që janë mbi peshën e vetë automjetit “, shpjegoi eksperti.
Pyetjes se a ishte e mundur që shkaktare e aksidentit të jetë ngarkesa e tepërt, eksperti iu përgjigj se automjetit i ishte prishur sistemi i frenimit.
Por eksperti deklaroi se ngarkesa e tepërt ka mundur të jetë shkaktare e aksidentit dhe mund të ketë ndikuar edhe në humbjen e drejtimit të lëvizjes.
Ekspertit Ahmet Maxhuni i shtroi pyetje edhe Avdi Dinaj, avokati i të akuzuarit Xhemajl Zeneli.
Ai duke u përgjigjur në pyetjet e avokatit Dinaj, tha se në automjetin kombi, të cilin në ditën kritike e ka drejtuar i akuzuari, lejohet bagazhi në përputhshmëri me ligjin, por sipas tij jo më shumë se pesha e lejuar.
Kurse mbrojtësit i të pandehurit, po ashtu deklaroi se kishte vërejtje në mendimin dhe konstatimin e ekspertit.
Dinaj gjithashtu propozoi që kjo çështje t’i dërgohet Fakultetit Teknik në Prishtinë për të bërë një superekspertizë lidhur me rastin.
Ky propozim u kundërshtua nga prokurori me arsyetimin se ekspertiza e cila gjendet në shkresat e lëndës dhe mendimi i ekspertit në shqyrtim, e po ashtu edhe provat e tjera që gjenden në shkresat e lëndës e vërtetonin kryerjen e veprës penale nga ana e të pandehurit.
Ndërsa gjyqtari Bekim Veliqi pasi vlerësoi propozimin dhe parashtrimin e kundërshtimit nga prokurori i shtetit, vendosi të aprovojë propozimin e avokatit Avdi Dinaj.
Veliqi vendosi që të caktohet një komision i ekspertëve të komunikacionit, respektivisht të kryhet superekspertizë lidhur me rastin.
Prokuroria Themelore në Mitrovicë e akuzon Xhemajl Zenelin se në prill të vitit 2014 nga pakujdesia ka rrezikuar trafikun publik dhe jetën e njerëzve duke drejtuar automjetin e udhëtareve Kombi nga fshati Bajgorë në drejtim të Mitrovicës, saktësisht në hyrje të Tunelit të Parë, si pasojë e prishjes se sistemit të frenimit të automjetit, raporton Kallxo.com.
Po ashtu në aktakuzë thuhet se automjeti kishte qenë i ngarkuar me tepër se masa maksimale e lejuar dhe me tepër se mundësitë teknike të komunikacionit të mjetit.
Pas prishjes së frenave automjeti kishte marrë një shpejtësi shumë të madhe me ç‘rast pasagjerët që kishin qenë ulur në ulëset mbrapa kishin hapur derën dhe kishin kërcyer nga automjeti.
Së pari kishte kërcyer i dëmtuari Hakif Halimi, pastaj i ndjeri Nezir Xhafa e me pas i dëmtuari Berat Shkupolli, ndërsa pasagjeret që ishin në ulëset e para së bashku me vozitësin tentonin ta ndalonin automjetin i cili me pas kishte dalë nga rruga në anën e majtë dhe ishte ngjitur bjeshkës deri në goditjen e një peme kur edhe ishte ndalur.
Si pasojë e këtij aksidenti lëndime trupore kishin pësuar Berat Shkupolli, Hakif Halimi, Mehmet Rexhepi, Shyqri Gjikolli, kurse Nezir Xhafes i ishin shkaktuar lëndime të rënda trupore në kokë, qafë dhe fytyrë si pasojë e të cilave kishte vdekur në QKUK.
Të tjera
-
Tërmet në Maqedoninë e Veriut, lëkundjet ndihen edhe në Kosovë
Një tërmet prej 2.4 ballësh ka ndodhur sot në Maqedoninë e Veriut, përkatësis...
-
Lansohet në e-Kosova paraqitja online e Provimit të Maturës
Ministria e Arsimit, Shkencës dhe Teknologjisë ka njoftuar se është lansuar n...
-
E rrảhẻn taksistin, tre të arrestuar në Klinë
Tre persona janë arrestuar mbrëmë në Klinë pasi të njëjtit dyshohet se me vet...
-
Sủlmohet fizikisht zyrtari policor në Ferizaj, arrestohet i dyshuari
Është arrestuar një person në Ferizaj për shkak se i njëjti i kishte fyer zyr...
-
Kadrijaj i përgjigjet LVV-së: AAK nuk ka frikë të shkojë në zgjedhje, por s’do të bëhet siç doni ju
Deputetja e Aleancës për Ardhmërinë e Kosovës, Time Kadrijaj i është përgjigj...
-
“NATO po përgatitet për sulme bërthamore kundër Rusisë”, gjenerali rus: Do të marrim masa për të mbrojtur kufijtë tanë
“NATO po stërvitet për të kryer sulme bërthamore kundër territorit rus”. K...
-
Zyra e Prokurorit: Dëshmitari Kickert është takuar gjatë luftës me katër ish-krerët e UÇK-së
Para se Kickert të niste dëshminë, prokurori John Capin ka bërë një prezantim...
-
Gjendet pa shenja jete një burrë në Ferizaj
Është gjetur pa shenja jete një burrë në Ferizaj. Në raportin 24 orësh të ...
-
Mbi 2 mijë gjoba trafiku në 24 orët e fundit në Kosovë
2 mijë e 96 gjoba trafiku janë shqiptuar në 24 orët e fundit në vendin tonë. ...
-
Pretendimet e Gjuriq: Me pranimin e Kosovës në AP të NATO-s, Kosova shpërblehet për shkelje të drejtave të serbëve
Duke komentuar faktin se Kuvendi i Kosovës ka marrë statusin e anëtarit të as...
-
QKMF-ja e Klinës bëhet me EKG të re, donacion nga Kosova Med
Qendra kryesore e mjekësisë familjare në Klinë (QKMF) “Nëna Terezë“, është b...
-
Zhduket një grua në Prizren
Në polici është raportuar për zhdukjen e një grua në Prizren. Policia ka b...