Lajme

“Blloku B2” i gatshëm të kthehet në prodhim – KEK-u me të gjitha njësitet në funksion

Autori: Gazeta inFokus 20:17 | 02 March 2018

Ashtu siç u paralajmërua gjatë ditës, “Blloku B2” i Termocentralit “Kosova B” është i gatshëm të rikthehet në prodhim para afatit të planifikuar.

“Aktualisht jemi duke zhvilluar procedurat e startimit dhe posa të konfirmohet kërkesa nga KEDS/KESCO dhe KOSST se kanë nevojë dhe janë të gatshëm të pranojnë edhe 250 MW/h energji elektrike”, ka thënë për Infokusi, zëdhënësi i KEK-ut, Skender Bucolli.

Sipas tij, falë një mobilizimi të madh dhe angazhimit maksimal të punëtorëve të Korporatës është arritur qe të rregullohen të gjitha defektet teknike dhe të mundësohet rikthimi në punë i këtij blloku i cili ka kapacitete prodhuese prej 250 megavat orë energji elektrike.

-Advertisement-

“Aktualisht, sikur edhe ditëve tjera, përjashtuar ditën e sotme ku u detyruam të ndalim njësinë B2, Korporata Energjetike e Kosovës, sipas planit të prodhimit ka kapacitete të prodhoj deri në 750 megavat orë energji elektrike. Termocentralet “Kosova A” dhe “Kosova B” aktualisht janë në dispozicion për të prodhuar energji elektrike me 100 % të kapaciteteve”, ka thënë ai.

Ndërsa sa i përket furnizimit, përfshi këtu edhe konsumin aktual qe është mbi nivelin e kapaciteteve prodhuese qe i ka Kosove përgjegjës janë operatorët tjerë të licencuar në treg.

Konkretisht përgjegjësinë ekskluzive për furnizim të qytetarëve me energji elektrike sipas licencës nga ZRRE e ka KEDS/KESCO si furnizuesi publik, i cili ka obligim të menaxhoi energjinë në dispozicion nga vendi dhe jashtë dhe mos të lë konsumatorët pa energji. /INFOKUSI

Subscribe në YouTube: GAZETA INFOKUSI