Lajme

Thaçi takohet me Jasharet

Autori: Gazeta inFokus 17:00 | 04 February 2018

Presidenti i vendit, Hashim Thaçi, ka kohë që nuk shkon në Familjen Jashari, as në përvjetorët e vrasjes së kësaj Familje. Ndërkohë, të dielën, Presidenti i Shtetit ka arritur të takoje në kafe kryetarin e Skenderajt, Bekim Jashari, i cili është djali i Hamzë Jasharit

Hashim Thaçi kishte shkuar disa herë viteve të fundit deri te dera Familjes Jashari në Skenderaj. Por, s’kishte shkuar në odën e tyre. Nuk është sqaruar asnjëherë pse Thaçi s’ka shkuar në konakun e familjes që ka sakrifikuar më së shumti për Kosovën.

Por, të dielën, Shefi i Shtetit, ka shftytëzuar një kafe, për të takuar djalin e Hamzë Jasharit, Bekimin, i cili është edhe Kryetar i Skenderajt.

-Advertisement-

Foton e takimit e ka publikuar Kryetari i Drenasit, Ramiz Lladrovci.

“Pata kënaqësinë që sot, së bashku me miqtë e mi, me Presidentin Thaçi, Kryetarin dhe nënkryetarin e Skënderajt, Bekim Jasharin dhe Nuredin Lushtakun, të pijmë kafe, në Drenicë, përtej çdo politike. E kaluara me të tashmen, japin optimizëm dhe zgjidhje të mira për të ardhmen tonë!”, ka shkruar Lladrovci.

Takimi i Thaçit me Ramiz Lladrovcin, Bekim Jasharin e Nuredin Lushtakun ka ndodhur edhe në kohën kur ky i fundit ka probleme me Sami Lushtakun.

Subscribe në YouTube: GAZETA INFOKUSI