Sport

Fjalët e Ramiz Krasniqit pas fitores bindëse të Përfaqësuesës së Kosovës U-19

Autori: Gazeta inFokus 19:19 | 26 January 2018

Përfaqësuesja e Kosovës U-19-të ka shënuar fitore në kuadër të përgatitjeve për rrethin elitë të kualifikimeve për Kampionatin Evropian, i cili do të zhvillohet prej 21 deri më 27 marsit në Portugali, shkruan infokusi.

Pasi në ndeshjen e parë Kosova mundi Azerbajxhanin, me rezultat 1:0, sot Kosova ka shënuar një fitore bindëse kundër kombëtares U-17 të Kazakistanit.

Pas ndeshjes përzgjedhësi Ramiz Krasniqi është shprehur shumë i kënaqur me paraqitjen e futbollistëve të tij.

-Advertisement-

“Ishe një ndeshje e mirë e shumë cilësore. Pati shumë aksione e bashkëveprime të bukura dhe mjaft raste për shënim. Shënuam katër herë. E mira ishte se patëm rastin të provojmë të gjithë futbollistët e kjo na mundësoi të shohim cilësitë individuale të secilit veç e veç por edhe si kolektivitet”, ka thënë ai.

Kosova ndeshjen e radhës sërish do ta zhvillojë me kombëtaren U-19 të Azerbajxhanit të dielën më 28 janar. /INFOKUSI.COM

Subscribe në YouTube: GAZETA INFOKUSI