Lajme

Gjuriq: Serbia do të luftojë për mbijetesën e serbëve në Kosovë

Autori: Gazeta inFokus 18:24 | 21 January 2018

Drejtori i të ashtuquajturës Zyra për Kosovën, Marko Gjuriq, tha se vizita që i bëri Kosovës presidenti serb, Aleksandar Vuçiq, është dëshmi se gjithë Serbia janë të bashkuar vetëm për t’iu ndihmuar serbëve në Kosovë.

“Serbët në Kosovë e Metohi e kanë mbështetjen e shtetit tonë Serbisë, ne bashkë do të luftojmë për mbijetesën e tyre”, ka thënë Gjuriq për Tanjug.

Ai tha se pikërisht vrasja e Ivanoviqit, një akt i terrorit, bëhet me qëllim për të ndarë serbët dhe për t’i dëmtuar ata, por se sipas tij, serbët do të qëndrojnë të bashkuar.

-Advertisement-

Sot gjatë ditës edhe ministri serb i Mbrojtjes, Aleksandar Vulin ka thënë se qëndrimi i presidentit të Serbisë, Aleksandar Vuçiq me serbët e Kosovës ka treguar se shteti serb nuk do të lëvizë nga Kosova.

Subscribe në YouTube: GAZETA INFOKUSI