Sport

Ky është lojtari i vetëm që do ta blejë Real Madridi në janar

Autori: Gazeta inFokus 18:09 | 28 December 2017

Edhe pse është 14 pikë larg Barcelonës në garën për titullin kampion në La Liga, Real Madridi duket se nuk do të bëjë ndryshime të mëdha në ekip gjatë afatit të transferimeve të janarit, shkruan ‘AS’, transmeton Gazeta Metro.

Portieri i Athletic Bilbaos, Kepa Arrizabalaga, do të jetë futbollisti i vetëm që do t’i shtohet ekipit në Bernabeu gjatë janarit. Kepa ka vendosur që të mos vazhdojë kontratën me baskët, kurse Reali mendon të paguajë klauzolën prej 20 milionë eurosh për shkëputjen e kontratës që skadon në qershor të vitit 2018.

Fillimisht është menduar që madrilenët do të presin verën për ta marrë gratis portierin, por mungesa e një portieri të denjë si zëvendësim për Keylor Navas ka bërë që klubi i Zidane të jetë i gatshëm të paguajë shumën e kërkuar menjëherë.

-Advertisement-

Kepa do të nënshkruajë kontratë 6 vjeçare me Realin dhe do të paguhet rreth 3 milionë euro në vit.