Sport

David Luiz në konflikt me Conten, pranë transferimit te gjiganti spanjoll

Autori: Gazeta inFokus 15:46 | 29 November 2017

Mbrojtësi i Chelseat, David Luiz, është në listën e dëshirave të skuadrës spanjolle Real Madrid, që po mendon të bëjë ofertë për brazilianin në muajin janar, transmeton gazetametro.net

30 vjeçari nuk i ka marrëdhëniet aspak të mira me trajnerin Antonio Conte, pas zëvendësimit në ndeshjen kundër Romës në Ligën e Kampionëve, ku Luiz u shfaq i pakënaqur me largimin nga fusha në barazimin 3-3 në Stamford Brigde.

Që prej atëherë, Luiz është paraqitur në vetëm katër ndeshje nga tetë sa ka luajtur Chelsea, duke bërë që spekulimet për largimin nga Londra të rriten. Në këtë mes është përfshirë Reali, që pas shitjes së Pepes dhe lëndimeve në mbrojtje, është në nevojë për një qendërmbrojtës të ri në ekip.

-Advertisement-

Ish-mbrojtësi i PSG’së do t’i kushtonte Realit rreth 40 milionë euro, ndërkohë që ende nuk është bërë e ditur nëse lojtari është i interesuar në këtë transferim.

Subscribe në YouTube: GAZETA INFOKUSI