Sport

Zidane me formacion befasues ndaj Las Palmas

Autori: Gazeta inFokus 19:05 | 03 November 2017

Real Madrid rikthehet në aksion në La liga të dielën, pas dy humbjeve radhazi javën që shkoi, gjë e cila ndodhi për të parën herë në epokën e Zinedine Zidanes.

“Loc Blancos’ u mposhtën 2:1 nga Girona në udhëtim në La Liga, ndërsa tre ditë më vonë u mposhtën edhe nga Tottenhami në Wembley në Ligën e Kampionëve me rezultat 3:1.

Skuadra e Zidanes zë vetëm pozitën e tretë pas dhjetë xhirosh me 20 pikë, duke mbetur tetë pikë larg liderëve të Barcelonës.

-Advertisement-

Në këtë situatë, kampionët e edicionit të kaluar nuk bëjnë kompromis me asnjë rezultat tjetër përveç fitores në sfidën ndaj Las Palmas në ‘Santiago Bernabeu’.

Lajm i mirë për Realin, është rikthimi i Gareth Bale, që pas një muaji mund të paraqitet për të ndihmuar ‘Los Blancos’ ndaj Las Palmas.

‘Goal.com’ ka paraparë se si mund të duket formacioni i Real Madridit në këtë përballje, që zhvillohet më 5 nëntor (e diel) nga ora 20:45.