Sport

Ky do të jetë “treni” i fundit i Montellës

Autori: Gazeta inFokus 20:07 | 20 October 2017

Kalendari i ndeshjeve në vazhdim është ndihma e fundit që mund t’i vijë Vincenco Montelës për të shpëtuar pankinën e tij te Milan pasi rezultatet po çalojnë ndjeshëm duke harxhuar edhe durimin e drejtuësve.

Barazimi 0-0 ndaj AEK-ut të Athinës ka tensionuar edhe më shumë situatën. Tani të dielën në stadiumin San Siro kundër Genoas, nëse kuqezinjtë nuk do të fitojnë, me të gjitha gjasat trajneri do të shkarkohet.

Montela kërkoi sërish mbështetje dhe kalendari duket se luan në favor të ish sulmuesit të njohur të serie A. Në fundjavë prezantohet një pengesë e kalueshme ndërsa të mërkurën Milan do të impenjohet në fushën e kievos. Nëse në këto dy ndeshje vijnë 6 pikë, drejtuesit e skuadrës kuqezi mund të harrojnë se cdo të ndodhë në supersfidën ndaj Juventusit në 28 teor në San Siro.

-Advertisement-

Milan ka ndryshuar shumë këtë sezon dhe drejtuesit e rinj kanë investuar më shumë se 200 milionë Euro për të përmirësuar cilësinë, por blerjet e reja po dështojnë. Bonucci që u paralajmërua se do të ishte emblema e rilindjes së Milanit u vendos në shënjestrën e ultrasve por bashkë me kapitenin vuajnë edhe të tjerët, Rodrigez, Muzakio dhe Callhanollu.

Ky i fundit duhet të jetë efikas në zonën e golit, por limitohet në administrimin e topave pa shkëlqim në mesfushë. Asnjë shpikje, dhe ndryshim ritmi, ashtu sic po shkon një grup me kualitet të madh por që mund të dështojë bujshëm për një vend në Champions.

Subscribe në YouTube: GAZETA INFOKUSI
Etiketa:
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine
-Advertisement-

Të tjera

Fokusi

sport