Sport

Deklarata e Munishit pas humbjes ndaj Llapit

Autori: Gazeta inFokus 17:08 | 23 September 2017

Trajneri i Vëllaznimit, Ismet Munishi, është shprehur i kënaqur me angazhimin e lojtarëve të tij në sfidën ndaj Llapit.

Vëllaznimi u mund në “Zahir Pajaziti” 2:0, ku pësoi një herë në pjesën e parë dhe një herë në pjesën e dytë, përcjellë GazetaOlle.

Përkundër humbjes, gjakovarët u paraqitën shumë mirë në Podujevë, duke krijuar shumë raste pranë rezultatit 1:0.

-Advertisement-

Për këtë arsye, Munishi ka përgëzuar lojtarët për paraqitjen.

“Jam shumë i kënaqur me lojën e treguar nga futbollistët dhe me angazhimin. Patëm përballë një ekip të fuqishëm si Llapi”, deklaroi Munishi për “Supersport”.

“Po të shohim mungesat, luajtëm pa Rogovën, Vokshin, Sahitin, që janë pjesë e rëndësishme e skuadrës. Myrta është kthyer vonë. Kemi pasur probleme të ndryshme”.

“Gjithsesi, me këtë potencial dhe me atë që shfaqëm sot, unë jam i kënaqur”, shtoi ai.

Subscribe në YouTube: GAZETA INFOKUSI