Ne zgjedhjet e 22 tetorit, do te garojnë për ulëse ne kuvendet komunale rreth shtatë mijë kandidatë.

Zgjedhjet për kryetarë të komunave dhe zgjedhjet për kuvende komunale do të mbahen në 38 komuna të Kosovës më 22 tetor, sipas datës së caktuar nga presidenti i Kosovës, Hashim Thaçi. Në garën për kryetarë të komunave janë certifikuar më shumë se 200 kandidatë, shkruan Infokusi.com

Ndonëse numri i kandidatëve për kryetar është shumë i madh numri i femrave të kandidauara është shumë i vogël, vetëm 7 femra në mesin e 200 kandidatëve.

Sabiha Shala, është kandidate për kryetare në komunën e Pejës nga Partia Demokratike e Kosovës.  Ajo  vjen nga bota akademike. Aktualisht është ligjëruese në Universitetin Publik Haxhi Zeka edhe mbanë thirrjen akademike Profesor Asistent, gjithashtu ka qenë ligjëruese edhe në disa kolegje tjera private. Për më tepër ka qenë bartëse e shumë funksioneve publike, si drejtoresh në sektorin e stabilizim asocimi në Agjencinë për Integrime Europiane pran zyrës së kryeministrit, kryeshefe e agjencisë për integrime evropiane, bashkëthemeluese dhe drejtoresh e Qendrës Nacionale për Analizë të legjislacionit Europian në (NACEL)

Mimoza Kusari-Lila është kandidatë për kryetare në komunën e Gjakovës nga Alternativa. Ajo ka qeverisur më komunën e Gjakovës edhe në mandatin e kaluar, në vitin 2003 ishte zëdhënëse dhe këshilltare politike e kryeministrit të atëhershëm të Kosovës, Bajram Rexhep, ka punuar në Bankën Botërore dhe projektin e USAID-it për përkrahjen e bizneseve kosovare.

Valdete Idrizi është kandidate për kryetare në komunën e Mitrovicës Jugore nga Partia Demokratike e Kosovës. Ajo ka fituar çmimin ndërkombëtar për paqe “TheWIFTS Peace Award 2016, fituese e parë e çmimit për Guxim, të ndarë nga Departamenti Amerikan i Shtetit në vitin 2008 edhe çmimin tjetër për Paqe, që i është ndarë nga federata evropiane “Optimist Internacional.

Arta Ahmeti – Xhylani është kandidate për kryetare në komunën Drenasit nga Aleanca për Ardhmërinë e Kosovës . Për herë të parë i ka hyrë karrierës së saj politike dhe është pretendente për të marrë postin e të parës në komunën e Drenasit.  Ahmeti ka bashkuar forcat me AAK-së dhe premton se gjatë qeverisës së saj do të sjell zhvillimin në arsim, shëndetësi, rini dhe  zhvillim ekonomik.

Eneida Kelmendi është kandidate për kryetare të Pejës nga partia “Fjala”. Ajo është e diplomuar për Ekonomi ndërsa është kandidatja e vetme me mbulesë që garon në zgjedhjet e 22 qershorit.

Emilja Redzepi  është kandidate per kryetare të Prizrenit nga Nova Demokratska Stranka. Ajo është në përfundim të studimeve master. Ajo është udhëheqëse e partisë  e NDS-së nga viti 2009 dhe femra e udhëheqësja e arë femër e një partie politike në Republikën e Kosovës , këshilltare në Komunën e Prizrenit, Nënkryetare e Kuvendit të Prizrenit, anëtare e Komisionit për Punë të Jashtme në mandatin e kaluar./INFOKUSI

Edhe një storie suksesi – PRINCE CAFFE lidh marrëveshje bashkëpunimi me kompaninë më të madhe në Kroaci të shitjes me…

Sponsoruar