Lajme

Listat e kandidatëve të pakompletura, për shkak të sistemit në Gjykatën Penale

Autori: Gazeta inFokus 14:25 | 18 September 2017

Afati për paraqitjen e listave të kandidatëve për zgjedhjet lokale është shkelur, pasi sistemi AKMIS nuk ka funksionuar në Gjykatën Themelore Shkupi 1.

Komisioni Shtetëror i Zgjedhjeve akoma nuk mund të vërtetojë listat e kandidatëve pasi ata nuk janë të kompletuara. Për rreth 200 kandidatë mungon dokumenti për dosje penale, që e jep Gjykata Themelore Shkupi 1, përcjell Telegrafi Maqedoni.

Arsyeja për këtë sipas zëdhënëses së KSHZ-së, Ljupka Guguçevska është pasi sistemi AKMIS në Gjykatën Penale nuk funksionon disa ditë. Në KSHZ thonë se janë njoftuar nga gjykata se vërtetimet do të lëshohen sapo të kthehet sistemi.

-Advertisement-

Afati për paraqitjen e listave të kandidatëve ka kaluar në mesnatën e 14 shtatorit, pastaj Komisionet Komunale Zgjedhore kanë afat prej 48 orëve që të vërtetojnë dhe kontrollojnë kandidaturat, afatë që tani është shkelur./Telegrafi/

Subscribe në YouTube: GAZETA INFOKUSI