Lajme

Vritet një 24-vjeçar shqiptar në Itali, dyshohet se ngjarja ndodhi pas një sherri

Autori: Gazeta inFokus 11:02 | 15 September 2017

Një shqiptar është vrarë me armë zjarri në Monza të Italisë. Ngjarja ka ndodhur rreth orës 2:00 të mëngjesit të kaluar jashtë një lokali nate në Biranzi, pranë Milanos, teksa shqiptari rreth 24 vjeç, identiteti i të cilit ende nuk bëhet i ditur është dërguar në spitalin e Desio, por ka ndërruar jetë.

Shqiptari është qëlluar me 2 plumba, cka i kanë shkaktuar atij vdekjen, raportojnë mediat italiane.

Policia ka marrë në pyetje shokun e viktimës, një 24 vjeçar shqiptar, i cili ka thënë se sulmi ndodhi kur ata ishin në një makinë, ndërsa një tjetër makinë u është afruar dhe kanë qëlluar me armë.

-Advertisement-

Paraprakisht dyshohet se para vrasjes shqiptari ishte përfshirë në një sherr. Ende nuk dihen shkaqet e ngjarjes, ndërsa policia ka nisur hetimet.

Subscribe në YouTube: GAZETA INFOKUSI