Sport

Shuhen dyshimet, me këtë formacion do të luajë Shqipëria e Panuccit (FOTO)

Autori: Gazeta inFokus 23:20 | 30 August 2017

Në prag të ndeshjes kundër Lihtenshtejnit, trajneri Christian Panucci ka zhvilluar disa prova në formacionin e kuqezinjve, ku befasia më e madhe mban emrin e Ansi Agollit që rrezikon vendin e titullarit në krahun e majtë të mbrojtjes.

Gjatë seancës së vetme të zhvilluar dje në “Selman Stërmasi”, Christian Panucci u ka shpjeguar lojtarëve të tij disa lëvizje taktike.

Është e përditshmja ‘Panorama Sport’ që ka publikuar formacionin e mundshëm të kuqezinjve.

-Advertisement-

Befasia vjen nga mbrojtja ku surpriza e këtij grumbullimi Hysen Memolla pritet të marrë vendin e titullarit, ndërsa Panucci në sulm do të rrezikojë duke luajtur me dyshen Sadiku-Llullaku.

Kujtojmë që ditën e shtunë në orën 18:00 në stadiumin “Elbasan Arena”, Kombëtarja Shqiptare do të presë Lihtenshtejnin në ndeshjen e vlefshme për eliminatoret e Botërorit “Rusi 2018”.