Sport

Xhaka deklarohet pas paraqitjes mbresëlënëse ndaj Leicesterit (Foto)

Autori: Gazeta inFokus 10:50 | 12 August 2017

Granit Xhaka ka shkëlqyer në fitoren e Arsenalit prej 4:3 ndaj Leicester Cityt, duke asistuar dy herë në fund të ndeshjes, për ta ndihmuar ekipin e Wenger që t’i marrë tri pikë.

Arsenali e ka nisur me fitore zezonin e ri në Premierligë, duke e mposhtur 4:3 Leicester Cityn në stadiumin “Emirates”, ku skuadrat dhuruan spektakël për gjithë të pranishmit.

Në këtë ndeshje shkëlqeu mesfushori shqiptar, Granit Xhaka, i cili e nisi fuqishëm sezonin duke dhuruar dy asistime, po kaq kishte sezonin e kaluar.

-Advertisement-

Ai asistoi te dy golat e shënuar në fund të ndeshjes (Aaron Ramsey 83’ dhe Oliver Giroud 85’), që ia siguruar tri pikë “Topçinjve”.

Xhaka u shpreh i lumtur pas ndeshjes, teksa paralajmëroi rivalët.

“Rikthim i jashtëzakonshëm në ndeshjen e parë në ligën më të fortë në botë. Rikthehet Premierliga, ne po vijmë më të fortë se kurrë më parë. Jemi gati, është koha”, ka shkruar Xhaka në “Facebook”.