Lajme

Arrestohen tre persona në Vlorë

Autori: Gazeta inFokus 10:58 | 29 July 2017

Policia ka arrestuar në flagrancë tre shtetas për vepra të ndryshme penale.
Policia njofton se në pranga ka rënë shtetasi Aleksandër Z, 59 vjeç, banues në Vlorë. Policia ka bërë të mundur arrestimin e tij në flagrancë pasi më datë 28.07.2017, është konstatuar në Himarë nga shërbimet e Policisë së Qarkullimit Rrugor duke drejtuar automjetin e tij tip “Toyota”, i pa pajisur me leje drejtimi. Gjithashtu gjatë shoqërimit të tij në Komisariatin e Himarës, shtetasi A.Z., ka kundërshtuar punonjësit e policisë.

I arrestuari i dytë është shtetasi Admir L, 34 vjeç, banues në Vlorë. Arrestimi i tij u bë pasi, më datë 28.07.2017, në Rrugën “Murat Tërbaçi”, në lagjen “Uji I Ftohtë”, duke drejtuar automjetin e tij tip “Renault”, ka aksidentuar shtetasen R.I., 77 vjeçe, banuese në Vlorë. E dëmtuara ka marrë ndihmën e duhur mjekësore në Spitalin Rajonal Vlorë dhe gjendet jashtë rrezikut për jetën.

Ndërsa i arrestuari i tretë është shtetasi Shaban M, 61 vjeç, banues në Vlorë. Arrestimi i tij në flagrancë u bë pasi më datë 28.07.2017, në fashtin Piqeras-Himarë, ka vjedhur një kafshë shtëpiake, në pronësi të shtetasit D.Z., 42 vjeç, banues në Himarë.

-Advertisement-

Subscribe në YouTube: GAZETA INFOKUSI