Lajme

Flet Behgjet Pacolli, tregon se a do ta mbështesin PAN-in apo jo!

Autori: Gazeta inFokus 12:34 | 09 July 2017

Lideri i AKR-së, Behgjet Pacolli në një prononcim të shkurtër për “Gazeta Blic”, ka përjashtuar çdo mundësi që partia e tij t’i bashkohet koalicionit PAN për ta formuar qeverinë.

Pacolli ka thënë se edhe më tej do t’i qëndrojnë besnik koalicionit me LDK-në.

“Nuk ka gjasa,veprojmë vetëm në kuadër të koalicionit LAA”

-Advertisement-

Ditë më parë edhe nënkryetari i AKR-së, Agim Bahtiri ka thënë se tashmë kryesia e AKR-së kanë marrë vendim që të qëndroj në koalicion me LDK-në.

“Kryesia e AKR-së ka marrë vendim që t’i qëndroj besnik koalicionit me LDK-në dhe në asnjë formë të mos lidh koalicion me PAN-in. Por ne do të shikojmë përpara dhe do të japim kontributin tonë, për shtyrjen e proceseve përpara në drejtim të formimit të Qeverisë”, ka thënë Bahtiri.

Ndryshe në ditën e djeshme Komisioni Qendror i Zgjedhjeve (KQZ) ka certifikuar rezultatet e zgjedhjeve të parakohshme parlamentare të 11 qershorit, sipas të cilave koalicioni PAN ka fituar 33.74 për qind të votave, Lëvizja Vetëvendosja është e dyta me 27.49 për qind dhe koalicioni LAA është i treti me 25.53 për qind.

Subscribe në YouTube: GAZETA INFOKUSI