Lajme

Kina: Amerika po na provokon ushtarakisht

Autori: Gazeta inFokus 11:22 | 03 July 2017

Pekini e ka quajtur provokim serioz ushtarak dhe politik prezencën e një luftanijeje amerikane afër një ishulli të kontestuar në Detin e Kinës Jugore.

Luftanija amerikane “USS Stethem” lundroi pranë ishullit Triton, i cili është pjesë e grupit të ishujve paracel, pronësinë për të cilat e kërkon Kina dhe të tjerët, transmeton Express.

Kina iu kundërpërgjigj SHBA-së duke dërguar anije ushtarake dhe aeroplan luftarakë në ishull.

-Advertisement-

Ky incident ndodhi disa orë para se presidenti amerikan, Donald Trump, dhe homologu i tij kinez, Xi Jinping të flisnin në telefon.

Gjatë bisedës telefonike, Xi i tha Trumpit se faktorët negativë janë duke ndikuar në marrëdhëniet SHBA-Kinë, sipas mediave kineze.

Ndërkohë, Shtëpia e Bardhë ka thënë në një komunikatë se dy liderët e kanë riafirmuar përkushtimin e tyre për ta denuklearizuar gadishullin korean. Në komunikatë, megjithatë, nuk është theksuar nëse dy presidentët e kanë diskutuar incidentin.

Subscribe në YouTube: GAZETA INFOKUSI