Sport

⚽ Bale nuk e duron dot më krahasimin me Neymar

Autori: Gazeta inFokus 16:12 | 29 June 2017

Rivalë, Gareth Bale dhe Neymar padiskutim që janë. Jo vetëm sepse secili prej tyre zhvillohet te njëri nga dy rivalët e përbetuar të La Liga-s, Real Madrid dhe Barcelona.

Dy lojtarët mbërritën në kampionatin elitar spanjoll në 2013-ën për shifra astronomike: 101 milionë euro për Bale te Real Madrid, 95 milionë euro për Neymar te Barcelona. Që atëherë ata janë krahasuar pa pushim nga shtypi iberik. Një situtatë e cila, 4 vjet më pas, është bërë e padurueshme për uellsianin.

-Advertisement-

Në shifra, madrileni dhe katalanasi janë krahasuar që në vitin e parë në La Liga. Sezonin e kaluar braziliani ka kaluar dukshëm në avantazh, ai ka luajtur mesatarish 71% të minutave, kundrejt 56% të britanikut.

Ky i fundit, duhet përmendur, nuk u kursye nga dëmtimet. Për sa i takon golave, sërish Neymar është në avantazh të konsiderueshëm. Ai ka shënuar 105 gola që nga 2013-a kundrejt 67 të Bale. Një shifër jo në lartësinë e një lojtari që u ble aq shtrenjtë. Madje muajt e fundit në kryeqytetin e Spanjës përflitet se në rast të mbërritjes së Kylian Mbappe në “Shtëpinë e Bardhë” këtë verë, i humburi i parë do të jetë Gareth Bale.

Subscribe në YouTube: GAZETA INFOKUSI