Lajme

Haziri: LDK dhe Vetëvendosje kanë shumë të përbashkëta

Autori: Gazeta inFokus 14:30 | 21 June 2017

Nënkryetari i Lidhjes Demokratike të Kosovës (LDK), Lutfi Haziri, duke e komentuar ftesën e Vetëvendosje për takime para certifikimit të zgjedhjeve dhe shqyrtimin e mundësive për bashkëpunim, tha se këto dy parti i lidh qëllimi për ndryshime në vend.
Haziri në një prononcim për Telegrafin tha se LDK dhe Vetëvendosje kanë disa veçori të përbashkëta, si legjitimiteti politik, programi kombëtar për bashkëpunim me shtetin amë si dhe qëllimi për ndryshime.

Sa i përket të mandatarit për të themeluar Qeverinë, Haziri tha se ata që i kanë numrat në Kuvendin e Kosovës, duhet ta formojnë Qeverinë.

“Unë konsideroj që tri partitë janë në lojë për ta formuar qeverinë: VV, LDK dhe AAK. Ndonëse, formalisht zgjedhjet i ka fituar koalicioni PDK – AAK – Nisma (PAN)”, theksoi Haziri.

-Advertisement-

Ai ka folur edhe për mundësinë që dikush prej deputetëve të koalicionit LDK–AKR–AA, të kaloj te PAN-i, për t’i bërë numrat për themelimin e Qeverisë. Sipas tij, deri tani “të gjithë ata janë unik dhe janë duke vepruar bashkë”.

“Koalicioni i ka tashmë edhe zyrtarisht 30 deputetë, derisa vetëm LDK-ja i ka 24 prej tyre”, ka shtuar Haziri.

Subscribe në YouTube: GAZETA INFOKUSI
Etiketa:
Vrasja e Lulzim Fejzullahut, vjen reagimi i parë nga ministrja Haxhiu
-Advertisement-

Të tjera

Fokusi

lajme