Sport

⚽️ Kjo është super oferta që ka përgatitur PSG për Ronaldon

Autori: Gazeta inFokus 13:38 | 21 June 2017

Gazeta franceze L’Equipe thotë se PSG-ja është e vendosur të nënshkruajë me Cristiano Ronaldo, pasi ditët e fundit ka qenë e publikuar në media të ndryshme fakti se portugezi dëshiron të largohet nga Real Madridi.

Sipas këtij informacioni, Cristiano, kontrata e të cilit përfundon në verën e vitit 2021, nuk është i kënaqur nga mënyra si është trajtuar nga autoritetet fiskale spanjolle, teksa është akuzuar nga prokuroria se nuk ka paguar 14.7 milionë euro në thesarin e shtetit.

L’Equipe shkruan në numrin e sotëm se oferta është duke u përgatitur nga klubi parizien për portugezin, i cili tashmë ka 32 vite mbi supe.

-Advertisement-

Shuma që PSG-ja pritet të afrojë është diçka në mes të 100 dhe 150 milionë eurove. Mosha e tij është arsyeja kryesore pse ekipi francez nuk do të paguajë një sasi parash më të lartë, siç kërkon Real Madrid. Natyrisht, ekipi francez do të përpiqet ta bindë portugezin me një rritje të pagës. PSG ka një buxhet transferimesh prej 220 milionë eurosh. Kjo do të detyrojë atë për të zgjedhur midis Ronaldos dhe sulmuesit të Monakos, Kylian Mbappé, sepse nuk ka para të mjaftueshme për t’i përmbushur të dyja transfertat.

Subscribe në YouTube: GAZETA INFOKUSI