Lajme

LDK fton Prokurorinë dhe policinë që t’i hetojë “lajmet e rrejshme”

Autori: Gazeta inFokus 10:31 | 10 June 2017

Lidhja Demokratike e Kosovës njofton opinionin se dezinformatat e publikuara në një “portal“ dhe të shpërndara në disa rrjete sociale për gjoja takimin e kandidati tonë për kryeministër nga LDK-AKR-Alternativa, Avdullah Hoti, me kryetarin e PDK-së, janë të rreme dhe kanë për qëllim dëmtimin e imazhit të tij një ditë para zgjedhjeve.

LDK, për të dytën ditë me radhë, e fton Prokurorinë dhe policinë që konform mandatit të tyre ligjor, të hetojë dhe të ndalojë manipuluesit e opinionit publik, të fshehur pas gjoja një portali kosovasot.live.

Publikimi i fotografive të montuara dhe lajmeve të rrejshme, shkelë rëndë rregullat zgjedhore dhe për këtë arsye Prokuroria dhe policia duhet t’i ndërmarrin veprimet e tyre kushtetuese dhe ligjore.

-Advertisement-

Kandidati i djathtë për kryeministër, Avdullah Hoti, nuk ka takuar kryetarin e PDK-së dhe as që e ka ndërmend ta bëjë një gjë të tillë, ndërsa fotografia e portalit të rrejshëm (fake news) është e montuar.

LDK fton të gjitha subjektet politike që të respektohet heshtja zgjedhore dhe t’i lihet sovranit në dorë që të vendosë për fatin e tij.

LDK i fton të gjithë simpatizantët dhe qytetarët që të respektojnë heshtjen zgjedhore dhe të mos bien pre e manipuluesve të opinionit publik.

Subscribe në YouTube: GAZETA INFOKUSI
Etiketa:
Super Zbritje në Artmotion
-Advertisement-

Të tjera

Fokusi

lajme