BE hedhë poshtë premtimin e Haradinajt për vizat
Autori: Gazeta inFokus 10:42 | 08 June 2017
Bashkimi Evropian ka reaguar ndaj deklaratave të liderit të Aleancës për Ardhmërinë e Kosovës, Ramush Haradinaj, njëherit edhe kandidat për kryeministër nga koalicioni PDK-AAK-NISMA në zgjedhjet e parakohshme nacionale të 11 qershorit, se do të hidhet poshtë marrëveshja që përcakton kufirin me Malin e Zi dhe do të punohet me një komision tjetër rreth kësaj marrëveshjeje.
“Reformat e BE-së dhe ratifikimi i marrëveshjes së demarkacionit të kufirit duhet të jenë prioritetet e menjëhershme të çdo qeverie të re,” është shprehur një zëdhënës i BE-së për arbresh.info.
Sipas këtij zëdhënësi, zgjedhjet e parakohshme zhvillohen në një kohë kritike për Kosovën dhe reformat e saj lidhur me BE-në, prandaj i bënë thirrje të gjithë liderëve politikë që të sigurojnë që zgjedhjet e parakohshme dhe fushatat zgjedhore të zhvillohen në përputhje me standardet demokratike.
“Ne i bëjmë thirrje të gjithë udhëheqësve politikë dhe institucioneve të Kosovës që të mos i harrojnë sfidat e mëdha me të cilat ballafaqohet Kosova. Është thelbësore që puna e rëndësishme që ndërlidhet ndër të tjera me promovimin e sundimit të ligjit dhe zhvillimit ekonomik, dialogut të lehtësuar nga BE-ja dhe liberalizimit të vizave vazhdon në dobi të popullit të Kosovës.”
Ky zëdhënës shtoi se Komisioni Evropian i njeh përpjekjet që Kosova ka bërë për të ratifikuar marrëveshjen e demarkacionit të kufirit me Malin e Zi, shkruan arbresh.info.
“Siç është paraparë në propozimin legjislativ të Komisionit të majit 2016, ratifikimi i kësaj marrëveshjeje është kërkesë për liberalizimin e vizave. Është shumë e rëndësishme që ky proces të përfundohet në mënyrë që Komisioni të japë dritën e gjelbër për bashkë-ligjvënësit,” thekson ky zëdhënës i BE.
Në ambasadën Shteteve të Bashkuara të Amerikës, në Prishtinë, janë rezervuar të komentojnë deklaratat e Haradinajt rreth refuzimit të Marrëveshjes që përcakton kufirin me Malin e Zi.
“Ne nuk komentojmë lidhur me cilindo kandidat apo parti politike gjersa zhvillohen fushatat zgjedhore,” është shprehur për arbresh.info zëdhënësja e ambasadës së SHBA-ve në Prishtinë, J. Michelle Schohn.
Procesi i vizave me BE-në ka filluar tetë vjet më parë, për të bërë rekomandimin, Komisioni Evropian krahas demarkacionit ka kërkuar të përmbushet edhe kushti për shënjestrimin e rasteve të krimit dhe korrupsionit të nivelit të lartë.
Derisa Kosova vazhdon të mbajë pezull marrëveshjen e nënshkruar kohë më parë me Malin e Zi, ky shtet tashmë ka mbyllur të gjitha obligimet institucionale.
Të hënën, Mali i Zi zyrtarisht është bërë anëtari i 29-të i NATO-s në një ceremoni, në Uashington.
Ky anëtarësim u bë në periudhën kur aleanca veri-atlantike, që ishte formuar për ta kundërshtuar agresionin sovjetik, angazhohet për ndaljen e përpjekjeve të Rusisë për ta shtuar ndikimin e vet në pjesën lindore të Evropës./arbresh.info/
Të tjera
-
Hamasi po shqyrton propozimin Izraelit për armëpushim në Gazë
Përfaqësues të grupit të militantëve të Hamasit thanë se kishte marrë të shtu...
-
Presidentja uron Sierra Leonen për pavarësi
Presidentja Vjosa Osmani ka uruar në X homologun e saj të Sierra Leones për D...
-
Australia do e ndihmojë Ukrainën me mbi 61 milionë euro
Australia ka njoftuar një paketë ndihme ushtarake për Ukrainën me vlerë mbi 6...
-
Gjashtë gjëra që duhet të dini për pagat në Zvicër
Nëse jetoni dhe punoni tashmë në Zvicër, (ose jeni gati të zhvendoseni këtu),...
-
“Pjesëmarrja në regjistrimin e popullsisë shumë e lartë”, koordinatorja e OKB-së e kënaqur me procesin
Koordinatorja e OKB-së për Zhvillim, Arnhild Spence, ka thënë se procesi i re...
-
Togerja e Policisë së Kosovës fiton çmim ndërkombëtar për shërbim në komunitet
Togerja në Policinë e Kosovës, Antigona Çitaku – Dibrani, ka fituar çmimin nd...
-
Skepticizëm nëse Kurti do t’i sigurojë votat për Kodin Civil
Deputetë të Lëvizjes Vetëvendosje nuk kanë ndryshuar qëndrim për Kodin Civil,...
-
Mehaj vlerëson se institucionet kanë bërë “punë modeste” për argumentimin e gjenocidit serb
Ish-Ministri i Mbrojtjes, Armend Mehaj, ka folur për punën e institucioneve t...
-
Familjarët e të zhdukurve përgatiten ta padisin Serbinë në Strasburg
Familjarët të cilëve u janë zhdukur më të dashurit e tyre, po përgatiten ta p...
-
Mesiq: Vuçiq si Millosheviqi, “Serbia e Madhe” nuk do të ndodhë
Ish-presidenti i Kroacisë, Stjepan Mesiq, ka evokuar kujtime nga koha kur ai ...
-
Objekti i vjetër i QKMF-së në Fushë Kosovë “vërshohet” nga qentë endacak, komuna thotë se do ta zgjidhë problemin në vitin 2025
Qentë endacak prej kohësh kanë gjetur një strehë të sigurtë në Fushë Kosovë. ...
-
OVL-UÇK në Gjakovë i reagon asamblistes së VV-së Mimoza Shala: Largoni duart nga dëshmorët
OVL-UÇK në Gjakovë ka reaguar ndaj deklaratës së asamblistes së VV-së, Mimoza...