Lajme

Haliti: Nuk jam i njoftuar nëse do të mblidhet kryesia e PDK-së

Autori: Gazeta inFokus 13:52 | 22 May 2017

Nënkryetari i PDK-së, Xhavit Haliti ka thënë që akoma nuk ka marrë ndonjë njoftim sa i përket mbledhjes së kryesisë së PDK-së, ku do të diskutohet për listat e kandidatëve për deputetë për zgjedhjet e 11 qershorit.

“ Nëse ka mbledhje do të shkoj, por akoma s`kam marrë ndonjë njoftim, mund të ketë edhe ndryshime sa i përket listave ne jemi parti” tha Haliti për GazetaBlic.

Kjo deklaratë e Halitit vjen pasi që disa media kanë raportuar se kryesia e PDK-së do të mblidhet gjatë ditës së sotme, dhe do të diskutohet për ndryshime të listave të PDK-së, për kandidatët për deputet të Kuvendit të Kosovës.

-Advertisement-

Edhe pse nga PDK-ja, asgjë s’është bërë publike për listat me kandidatët për deputet, në një listë që është publikuar jo zyrtarisht shihet se aty mungojnë emra të njohur të skenës politike.

PDK-ja në zgjedhjet e 11 qershorit garon në koalicion parazgjedhor me AAK-në dhe Nismën.

Zgjedhjet e jashtëzakonshme do të mbahen me 11 qershor.

Subscribe në YouTube: GAZETA INFOKUSI