Lajme

Grainca flet për kandidatin e LDK’së për Kryeministër (Video)

Autori: Gazeta inFokus 20:18 | 15 May 2017

Blerim Grainca, ish-deputet në Kuvendin e Kosovës, nga radhët e LDK’së, ka përshkruar kandidatin për Kryeministër nga radhët e kësaj partie.

Grainca nuk përmend emra se kush do të jetë kandidat potencial nga radhët e LDK’së, por thekson se janë, pesë-katër emra që janë të gatshëm të marrin përsipër pozitën e kryeministrit.

“Nuk mund të ju them ndonjë emër për arsye se nuk duhet t’i hyjë në hatër dikujt tjetër për arsye se të gjithë janë emra të respektuar brenda LDK’së. Gjithsesi emri i kandidatit do të jetë një kandidat që ka kontinuitet në veprimet e tij në LDK, një kandidat që ka dëshmuar që është ekspert i caktuar në fusha të caktuara dhe një kandidat që do të arrij të bashkoj të gjitha fuqitë kreative brenda LDK’së’, tha ai.

-Advertisement-

Ndërkaq, sa i përket koalicionit me partitë tjera politike, Grainca është shprehur, se do të hyjnë në koalicion me të gjithë ata që e njohin Republikën e Kosovës si shtet të tyre, të gjithë ata qe i njohin institucionet e vendit dhe të gjithë ata që nuk janë në kundërshtim me ligjin, apo nuk kanë ndonjë akuzë të ngritur nga ndonjë gjykatë e caktuar.

Sipas Graincës, LDK’ja është e gatshme të hyjë në zgjedhjet e parakohshme për të fituar e vetme.

Ai ka folur sërish për rënien e Qeverisë, derisa ka akuzuar PDK’në për prishjen e marrëveshjes.

“Siç jeni të njohur ju dhe opinioni të asaj tërheqjes spektakolare edhe skenarit të përgatitur nga PDK’ja, Lidhja Demokratike e Kosovës i është rikthyer vetës, po merret me konsolidimin e brendshëm dhe është në fazën e konsultimit, hartimit të listave zgjedhore, krijimit të shtabeve elektorale”, tha Grainca për Tribuna Channel.

Ai thotë se, nëse do të pyetej ai, LDK do të kishte vija te kuqe me PDK’në.

Deri në mesnatën e së martës partitë politike e kanë të caktuar të deklarojnë në komisionin Qendror të Zgjedhjeve, koalicionet garuese për zgjedhjet e 11 qershorit.