Lajme

Thaçi: Data e zgjedhjeve më 11 qershor, partitë politike të tregojnë kulturë të lartë!

Autori: Gazeta inFokus 17:37 | 11 May 2017

Presidenti i Republikës së Kosovës, Hashim Thaçi edhe zyrtarisht ka bërë të ditur se ka marrë vendmi që  data e zgjedhjeve të parakohshme për Kuvendin e Kosovës të jetë 11 qershor.

Presidenti Thaçi, ka kërkuar nga partitë politike që gjatë dhe pas procesit zgjedhor të tregojnë kulturë politike “duke dëshmuar edhe njëherë se Kosova mbetet shembull në rajon për organizimin e zgjedhjeve të lira dhe demokratike.”

Më poshtë ua pasqyrojmë njoftimin e tij të plotë:

-Advertisement-

Pas konsultave me përfaqësues të partive politike si dhe me Komisionin Qendror të Zgjedhjeve, mbështetur në Kushtetutën dhe ligjet e Kosovës, kam marrë vendim që data e zgjedhjeve të parakohshme për Kuvendin e Kosovës të jetë 11 qershor 2017.

Kërkoj nga institucionet e Kosovës që, si gjithmonë, të jenë në krye te detyrës dhe në shërbim të qytetarëve.

Nga partitë politike kërkojmë që edhe këtë herë të tregojnë kulturë të lartë politike para, gjatë dhe pas zgjedhjeve, duke dëshmuar edhe njëherë se Kosova mbetet shembull në rajon për organizimin e zgjedhjeve të lira dhe demokratike. Një proces i ndershëm, demokratik dhe i pranuar nga të gjithë duhet të jetë pikësynimi jonë i përbashkët. HTH

Subscribe në YouTube: GAZETA INFOKUSI
Etiketa:
EURO 2024 dhe Serie A, dy ekskluzivitetet absolute të Artmotion këtë vit
-Advertisement-

Të tjera

Fokusi

lajme