Prokuroria kërkon 15 vite burg për shqiptarin që luftoi për ISIS-in
![](https://gazetainfokus.com/wp-content/uploads/2017/04/screen-11.49.0126.04.2017.png)
Autori: Gazeta inFokus
11:49 | 26 April 2017
Prokuroria e Krimeve të Rënda kërkonin dënimin me 15 vite burg për imamin e vetëshpallur të xhamisë së Leshnicës, Almir Daci, i cili dyshohet se ndodhet në Siri duke luftuar përkrah ISIS. Ish- imami i xhamisë së fshatit Leshnicë në rrethin e Pogradecit, Almir Daci është njëri prej luftëtarëve të ISIS, i cili u shfaq dy vite më parë në videon kërcënuese ndaj shteteve të Ballkanit.
Ndaj Almir Dacit, i cili ka marrë në Siri dy fëmijët e tij dhe bashkëshorten, janë ngritur akuzat e “pjesëmarrjes luftarake në një shtet të huaj”, “rekrutim të personave për kryerje të veprave terroriste” dhe “propagandë për kryerje veprash terroriste”. Sakaq, Almir Daci është shpallur në kërkim ndërkombëtar për pjesëmarrje në organizata kriminale dhe për rekrutim të njerëzve për tu bashkuar me ISIS.
Për herë të parë, emri i tij është përmendur nga të afërm të Denis Hamzait, i riu nga Pogradeci që humbi jetën në Siri, të cilët akuzuan Almir Dacin si personi që i mbushi mendjen për të shkuar në luftë në Siri. Mediat ndërkombëtare kanë shkruar disa herë për vrasjen e Dacit në Siri, por ende nuk ka konfirmim zyrtar dhe të dhëna të besueshme se ai është vrarë.
Me emrin e luftës Ebu Belkisa, Daci njihet si një ndër militantët shqiptarë më aktivë përkrah ISIS. Ai ka qenë në hetim që prej fillimit të vitit 2014, së bashku me 20 shqiptarë të tjerë që dyshohej se ishin përfshirë në rekrutime për llogari të Shtetit Islamik.
Në shkurt të vitit 2015, Prokuroria e Krimeve të Rënda dërgoi në gjyq dy imamët që ushtronin aktivitetin në Tiranë, Genci Balla dhe Bujar Hysa si dhe shtatë ndihmës të tyre-të gjithë të arrestuar në operacionin antiterror të marsit 2014. Hetimet për 12 shqiptarët e tjerë, që dyshohej se ndodheshin në Siri u ndanë në një dosje më vete.
Së bashku me Dacin, Prokuroria e Krimeve të Rënda kishte nën hetim edhe Shkëlzen Dumanin, Shyqyri Kacën, Medi Manallarin dhe disa shqiptarë të tjerë. Por hetimet për ta janë pezulluar, për shkak se prokuroria e ka pasur të pamundur të sigurojë informacione për fatin e tyre.
Hetimi i dytë për rekrutuesit e xhihadistëve ka hasur vështirësi të shumta, për shkak të mungesës së njoftimeve zyrtare për personat e vdekur apo për ata që vazhdojnë të luftojnë përkrah militantëve të Shtetit Islamik.
Megjithatë, shfaqja e Almir Dacit në videon kërcënuese për shqiptarët në qershor të vitit 2015 është administruar si provë në hetimin e Prokurorisë së Krimeve të Rënda kundër tij. Në videon e publikuar në “youtube” në qershor të vitit 2015, mes militantëve të ISIS nga Ballkani shquheshin edhe Almir Daci dhe një shqiptar i Kosovës, të cilët kërcënonin për sulme terroriste kundër të “pafeve”.
Akuzat kundër Almir Dacit janë të njëjta me ato të nëntë të pandehurve të tjerë, të cilët i janë nënshtruar procesit në Gjykatën e Krimeve të Rënda prej shkurtit të vitit 2015 dhe kanë marrë dënimet e tyre përkatëse nga Gjykata e Krimeve të Rënda.
Xhamia e Leshnicës në Pogradec, ku predikonte Almir Daci kishte rekrutuar një numër të konsiderueshëm të rinjsh. Ish-imami i xhamisë së Leshnicës, nga ku janë nisur shumë besimtar mysliman në luftën e Sirisë, po gjykohet në mungesë pasi dyshohet si një nga organizatorët, financuesit dhe pjesëmarrës e aktiv, e drejtues i grupit të shqiptarëve që luftojnë në Siri.
Disa muaj më parë, janë pezulluar hetimet deri në një vendim tjetër për tre personat e shpallur në kërkim, Medi Manallari, Shyqyri Kaca dhe Shkëlzen Dumani. Shkak për këtë pezullim është bërë mungesa e informacionit nga institucionet ligjzbatuese dhe familjarët e tyre për këta persona, të cilëve i është caktuar edhe masa e sigurisë “arrest me burg” në mungesë që në fillim të operacionit, ku u arrestuan 9 bashkëpunëtorët e tyre. /Shekulli/
![](https://gazetainfokus.com/wp-content/uploads/2024/01/comodita-las-vegas-41.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...