Lajme

Thaçi dënohet edhe me 17 muaj të tjerë burgim për pengim të drejtësisë

Autori: Gazeta inFokus 10:52 | 17 November 2026

Hashim Thaçi, ish-presidenti i Kosovës, është dënuar edhe me 17 muaj burgim nga Gjykata Speciale në Hagë, në rastin që lidhet me pengimin e drejtësisë, shkruan Gazeta Infokus.

Vendimi është shpallur këtë të martë, më 17 nëntor 2026, në kuadër të procesit të veçantë gjyqësor ndaj Thaçit, ku ai akuzohej për ndërhyrje në administrimin e drejtësisë dhe përpjekje për të ndikuar te dëshmitarët.

Sipas pretendimeve të Prokurorisë së Specializuar, Thaçi kishte shpërndarë informacione konfidenciale dhe kishte dhënë udhëzime me qëllim ndikimin në dëshmitë e personave të përfshirë në procesin gjyqësor për krime lufte.

-Advertisement-

Kujtojmë se më 16 shtator 2026, Thaçi ishte dënuar me 25 vjet burgim në procesin gjyqësor ndaj ish-krerëve të Ushtrisë Çlirimtare të Kosovës, lidhur me akuzat për krime lufte gjatë periudhës 1998–1999.

Me dënimin e ri prej 17 muajsh, shuma e dy dënimeve të shqiptuara ndaj ish-presidentit arrin në 26 vjet e 5 muaj burgim, nëse llogariten së bashku. Megjithatë, kohëzgjatja përfundimtare e vuajtjes së dënimit varet nga mënyra e ekzekutimit të tyre./Gazeta Infokus

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy