Lajme

Muharremi i kërkon presidentes t’i largojë militantët e VV-së nga kabineti: I duhet staf profesional

Autori: Gazeta inFokus 10:13 | 09 October 2026

Analisti Shenoll Muharremi ka reaguar për emërimet e para në kabinetin e presidentes së re.

Ai i ka bërë thirrje presidentes Justina Shiroka-Pula që t`i largojë nga kabineti militantët e VV-së.

Në profilin e tij në Facebook, ai ka shkruar se presidentja duhet të emërojë staf profesional.

-Advertisement-

“Presidentja, e cila duhet me qenë figurë unifikuese, për çka edhe është zgjedhur, po raportohet se e paska politizuar në start zyrën e presidentit me emërimet e personave që janë pjesë e partive politike. Nuk di nëse zonja Justina Pula ka qenë në dijeni për veprimet që i ka ndërmarrë apo i ka bërë pa vetëdije? Sidoqoftë, ky është një fillim shumë i keq dhe tregon qysh në fillim që aty nuk do të ketë paanësi, por ajo zyrë do të jetë nën ndikimin e thellë të LVV-së”, ka shkruar ai, duke i bërë thirrje presidentes të reflektojë.

“I bëj thirrje publike Justina Pulës që menjëherë të i korrigjojë këto veprime dhe pa vonesë të emërojë personel profesional dhe sidomos të pavarur nga partitë politike. Përndryshe ajo në fillim rrezikon seriozisht të shkatërroj reputacionin e saj dhe të e humbë besimin e publikut ende pa filluar mirë punën”, ka shkruar ai.\

Dje u raportua se presidentja e sapozgjedhur, Justina Shiroka-Pula, ka emëruar shefe të stafit Berita Abazin, ish-shefen e stafit të Albulena Haxhiut.

Ajo është asambliste e Vetëvendosjes në Prishtinë.

VIVA FRESH E SHPALL KREEEEJT MUAJIN BLACK NOVEMBER!
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy