Lajme

Çitaku reagon ashpër ndaj aleatëve ndërkombëtarë: “Ne nuk e pranojmë këtë vendim, do ta kundërshtojmë deri në fund”

Autori: Gazeta inFokus 17:18 | 16 September 2026

Nënkryetarja e PDK-së, Vlora Çitaku, ka reaguar pas aktgjykimit ndaj Hashim Thaçit, Kadri Veselit, Jakup Krasniqit dhe Rexhep Selimit, duke iu drejtuar në veçanti atyre që ajo i quan “aleatët historikë” të ish-presidentit Thaçi.

Në një reagim në Facebook, Çitaku tha se kanë nisur reagimet nga njerëzit me të cilët Thaçi kishte bashkëpunuar ndër vite dhe me të cilët, sipas saj, Kosova kishte arritur suksese dhe momente historike.

“Paskan filluar të reagojnë aleatët historikë të Hashim Thaçit. Ata me të cilët ai punoi që nga dita e parë. Ata me të cilët, bashkë, arritëm shumë suksese e momente historike”, shkroi Çitaku.

-Advertisement-

Ajo kritikoi thirrjet për pranimin e vendimit dhe pritjen e procesit të apelit.

“E tash paskan filluar të na thonë: pranojeni vendimin, sepse ka apel… Faleminderit shumë”, deklaroi ajo.

Çitaku tha se për të dhe mbështetësit e tyre, Thaçi, Veseli, Krasniqi dhe Selimi nuk janë vetëm figura me të cilat aleatët ndërkombëtarë kanë bashkëpunuar në një periudhë të caktuar.

“Për ne, ata janë pjesë e historisë sonë. Janë pjesë e themeleve mbi të cilat është ngritur shteti ynë. Janë njerëzit me të cilët lidhet një prej kapitujve më të rëndësishëm të lirisë së Kosovës”, shkroi Çitaku.

Në fund, ajo deklaroi se vendimi nuk do të pranohet dhe se kundërshtimi ndaj tij do të vazhdojë.

“Prandaj, shumë faleminderit për këshillat. Por jo. Ne nuk e pranojmë këtë vendim. Do ta kundërshtojmë. Do të rezistojmë. Deri në fund”, përfundoi Çitaku.

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy