Lajme

Kongresmeni amerikan: Haga të mos vendos me paragjykime për Hashim Thaçin dhe tjerët, Ballkani është fuçi baruti

Autori: Gazeta inFokus 09:55 | 15 September 2026

Kongresmeni amerikan Keith Self ka ngritur shqetësime për ndikimin e mundshëm të paragjykimeve politike në vendimet e institucioneve të drejtësisë në Hagë, në prag të vendimit ndaj ish-presidentit të Kosovës, Hashim Thaçi, dhe tre ish-krerëve të tjerë të UÇK-së.

Në një postim në X, Self ka shkruar se një temë që, sipas tij, po përsëritet në rastet që dalin nga Haga është lejimi i paragjykimeve politike për të ndikuar në vendimmarrje.

“Shpresoj që një anim i tillë të mos vihet re këtë javë, kur të shpallet vendimi në gjyqin ndaj Hashim Thaçit dhe tre civilëve shqiptarë që luftuan për pavarësi pas vitesh të tëra shtypjeje serbe”, ka shkruar kongresmeni amerikan.

-Advertisement-

Self e ka lidhur çështjen edhe me situatën e brishtë në Ballkan, duke e përshkruar rajonin si “një kuti baruti”.

“Ballkani është një kuti baruti, në një rajon ku regjimet shtypëse nuk do të donin asgjë më shumë sesa të ndezin flakët e përçarjes, në vend që të punojnë drejt pajtimit”, ka deklaruar ai.

Reagimi i plotë:

Një temë e vazhdueshme që po del nga Haga duket se është lejimi i paragjykimeve politike për të ndikuar në vendimet e tyre.

Shpresoj që një paragjykim i tillë të mos shfaqet këtë javë kur të jepet një vendim në gjyqin e Hashim Thaçit dhe tre civilëve shqiptarë që luftuan për pavarësi nga vitet e shtypjes serbe.

Ballkani është një kuti baruti në një rajon ku regjimet shtypëse nuk do të donin asgjë më shumë sesa të nxisin flakët e përçarjes sesa të punojnë drejt pajtimit.

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy