Lajme

Abdixhiku pas tërheqjes së Sejdiut nga kandidatura për President: Tregoi dinjitet

Autori: Gazeta inFokus 19:28 | 14 September 2026

Kreu i LDK-së, Lumir Abdixhiku, ka reaguar pas tërheqjes së Bekim Sejdiut nga kandidatura për President të Kosovës, raporton GazetaBlic.

Abdixhiku e ka vlerësuar vendimin e Sejdiut si dëshmi të dinjitetit dhe karakterit të tij, duke kritikuar ashpër zhvillimet politike që, sipas tij, kanë çuar vendin drejt bllokadës.

“Bekim Sejdiu tregoi dinjitet. Tërheqja e tij, përballë histerisë politike, dëshmon pikërisht pse një njeri me karakterin e tillë, do të ishte zgjedhja e duhur për President”, ka shkruar Abdixhiku.

-Advertisement-

Ai ka shprehur keqardhje që Kosova aktualisht nuk ka President, duke thënë se në vend të një zgjidhjeje politike është krijuar kaos dhe bllokadë.

“Keqardhje që sot nuk kemi President. Që në vend të një zgjidhjeje kemi kaosin politik, bllokadën si mjet dhe zgjedhjet e reja, edhe një herë, si qëllim”, ka deklaruar ai.

Abdixhiku ka kritikuar edhe sulmet ndaj Sejdiut gjatë procesit të kandidimit.

“Keqardhje edhe për Bekimin, që padrejtësisht u bë shënjestër e sulmeve të paprecedenta për mbytjen e karakterit të tij. Përbaltja e tij kishte të bënte më së paku me të”, ka shkruar ai.

Në fund, Abdixhiku e ka cilësuar situatën e krijuar si “PISA politike e Kosovës”, duke thënë se vendi po përfundon sërish në zgjedhje.

“Kjo është PISA politike e Kosovës. Me rëndësi të rrënojmë çdo përpjekje normale sot! Bllokohemi, ngecim, urrejmë, mbysim karaktere dhe përfundojmë sërish në zgjedhje”, ka përfunduar Abdixhiku.

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy