Hoti: Është e ulët që humbja e jetës së një të riu të shfrytëzohet për të bërë politikë
Autori: Gazeta inFokus
19:03 | 21 August 2026
Ministri në detyrë për Punë, Familje dhe Vlerat e Luftës Çlirimtare, Andin Hoti, ka reaguar pas vdekjes së një punëtori në KEK, duke shprehur ngushëllime për familjen e tij dhe për familjet e tjera të punëtorëve që kanë humbur jetën në vendin e punës.
Hoti ka kritikuar reagimet politike lidhur me këto raste, duke thënë se tragjeditë nuk duhet të shfrytëzohen si mjet për sulme politike apo akuza ndaj institucioneve, pa u verifikuar paraprakisht faktet dhe kompetencat ligjore.
“E konsideroj të ulët që një fatkeqësi dhe humbja e jetës së një të riu të shfrytëzohen për të bërë politikë, aq më tepër duke drejtuar akuza ndaj institucioneve pa u verifikuar paraprakisht faktet, shkaqet e aksidentit dhe kompetencat ligjore”, ka shkruar Hoti.
Ai ka thënë se është veçanërisht për keqardhje kur akuza të tilla vijnë nga deputetë të Kuvendit, të cilët, sipas tij, duhet të kenë njohuri për legjislacionin dhe ndarjen e kompetencave mes institucioneve.
“Para se të akuzohet publikisht një institucion për dështim, minimumi është të verifikohet nëse ai institucion e ka fare kompetencën ligjore për çështjen për të cilën po akuzohet”, ka deklaruar Hoti.
Sipas tij, aksidentet në vendin e punës mund të kenë faktorë të ndryshëm dhe përgjegjësia duhet të përcaktohet pas hetimeve profesionale dhe konstatimit të fakteve.
Hoti ka sqaruar se aksidentet fatale të 8 korrikut, 16 dhe 20 gushtit 2026 kanë ndodhur në Divizionin e Prodhimit të Qymyrit, në kuadër të veprimtarisë minerare.
Ai pretendon se, sipas legjislacionit në fuqi, mbikëqyrja e sigurisë në punë dhe hetimi i aksidenteve në veprimtarinë minerare janë kompetencë e Inspektoratit të Minierave, në kuadër të Komisionit të Pavarur për Miniera dhe Minerale (KPMM), dhe jo e Inspektoratit Qendror të Punës.
“Ne nuk i ikim asnjë përgjegjësie që na takon me ligj. Por, po aq e rëndësishme është që përgjegjësia të përcaktohet mbi bazën e fakteve dhe ligjit, dhe jo sipas nevojës së një deklarate politike”, ka shkruar ai.
Sa i përket rastit të fundit, Hoti ka thënë se Inspektorati Qendror i Punës, pas pranimit të informatës, ka angazhuar inspektorët dhe ka dalë në vendin e ngjarjes. Sipas tij, pas inspektimit është konstatuar se aksidenti ka ndodhur në territorin e një miniere të licencuar nga KPMM-ja dhe se trajtimi i rastit bie në kompetencën e Inspektoratit të Minierave.
Hoti ka theksuar se, pavarësisht kësaj, institucionet duhet të marrin përgjegjësinë aty ku u takon me ligj dhe se çdo rast i neglizhencës apo shkeljes së rregullave të sigurisë duhet të pasohet me masa.
Ai ka bërë të ditur gjithashtu se gjatë katër muajve të fundit janë intensifikuar inspektimet në vendet e punës, me fokus të veçantë në sektorët me rrezik të lartë, ndërsa janë ndaluar punimet në mbi 180 vendpunishte.
“Por, në një ditë kur një familje ka humbur njeriun e saj, minimumi që mund të kërkohet nga secili prej nesh është përgjegjësi edhe në fjalën publike”, ka shkruar Hoti.
“Tragjeditë kërkojnë përgjegjësi, jo përfitim politik”, përfundon ai.

T� tjera
-
17 Nëntori që i dha emër UÇK-së, 32 vjet nga vendimi historik
Më 17 nëntor 1994, para 32 vitesh, Kryesia e Lëvizjes Popullore të Kosovës, p...
-
Kryesia e Kuvendit shqyrton sot agjendën e seancës së radhës
Kryesia e Kuvendit të Kosovës do të mblidhet sot në orën 15:00. Sipas njof...
-
Katër komisione parlamentare mblidhen sot
Katër komisione parlamentare do të zhvillojnë mbledhje gjatë ditës së sotme n...
-
Mediat gjermane japin detaje për aksidentin tragjik ku vdiqën dy të rinj nga Rahoveci
Një aksident i rëndë trafiku ka tronditur mërgatën shqiptare dhe Komunën e Ra...
-
Graboci dhe Lismiri lidhen me Prishtinën përmes një linje të re të autobusëve
Banorët e fshatrave Graboc dhe Lismir të Komunës së Fushë-Kosovës tashmë kanë...
-
Moti sot me vranësira të shpërndara dhe me diell
Moti sot në Kosovë parashihet të jetë me vranësira të shpërndara dhe me diell...
-
Sot vendoset për fatin e Thaçit dhe të tjerëve në rastin e ndërhyrjes së pretenduar te dëshmitarët
Ish-Presidenti Hashim Thaçi pret sot një aktgjykim tjetër në Hagë, këtë herë ...
-
Ky është parashikimi i motit për nesër
Nesër në Kosovë parashihet të mbajë mot me diell, e vranësira lokale dhe rral...
-
Kryesia e Kuvendit mblidhet të martën, në rend dite edhe Projektligji për Buxhetin 2027
Kryesia e Kuvendit të Kosovës do të mblidhet të martën, më 17 nëntor, në orën...
-
KEDS njofton për ndërprerje të rrymës të martën, këto janë zonat që preken
Kompania për Distribuimin e Energjisë Elektrike në Kosovë (KEDS) ka njoftuar ...
-
Kënga nacionaliste serbe në Forumin e BE-së për zgjerimin shkakton polemika
Gjatë Forumit të zgjerimit të Bashkimit Evropian, pas fjalimit të presidentes...
-
Çmimi i arit bie në nivelin më të ulët që nga shtatori 2025
Çmimi i arit ra sot në nivelin më të ulët që nga shtatori 2025, pasi forcimi ...


































