Lajme

Bajrami: Ekonomia po rritet pak, çmimet shumë dhe varësia nga importi po thellohet

Autori: Gazeta inFokus 19:25 | 04 July 2026

Deputetja e zgjedhur e LDK-së, Hykmete Bajrami, ka reaguar pas Raportit Vjetor të BQK-së për vitin 2025, duke thënë se të dhënat konfirmojnë shqetësimet për gjendjen ekonomike në vend.

Sipas Bajramit, raporti tregon se ekonomia e Kosovës në vitin 2025 është rritur vetëm 3.6%, ndërsa inflacioni ka arritur në 3.9%, kryesisht si pasojë e rritjes së çmimeve të ushqimit dhe energjisë. Ajo ka theksuar se parashikimet për vitin 2026 janë edhe më shqetësuese, me rritje ekonomike të pritshme prej 3.5% dhe inflacion prej 6.7%.

Bajrami shkriu edhe për thellimin e deficitit tregtar, duke përmendur se në vitin 2025 importi i mallrave ka arritur rreth 7 miliardë euro, ndërsa eksporti vetëm rreth 869 milionë euro.

-Advertisement-

“Pra, kemi importuar rreth 8 herë më shumë sesa kemi eksportuar”, ka shkruar ajo.

Sipas saj, deficiti tregtar ka arritur rreth 6.1 miliardë euro, me rritje prej 12.5% krahasuar me vitin paraprak, ndërsa eksporti ka shënuar rënie të lehtë prej 0.2%.

Bajrami ka thënë se Kosova ka nevojë për politika ekonomike që fokusohen te prodhimi vendor, eksporti, ulja e kostos së energjisë për bizneset dhe krijimi i vendeve të punës.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy