Rozë

“Iu bëftë mirë”, Kryetari i New Yorkut, Zohran Mamdani flet shqip në videon me Action Bronson

Autori: Gazeta inFokus 10:23 | 02 April 2026

Kryetari i New York City, Zohran Mamdani, ka tërhequr sërish vëmendjen në rrjetet sociale, këtë herë për një moment simpatik gjatë takimit me reperin dhe kuzhinierin shqiptar, Arian Asllani, i njohur ndryshe edhe si Action Bronson.

Në videon që po qarkullon gjerësisht, Mamdani shihet duke provuar ushqime tradicionale shqiptare, ndërsa në një moment surprizon duke folur edhe shqip.

Teksa shijon gatimet e përgatitura nga Bronson, ai dëgjohet duke thënë: “Iu bëftë mirë”, një shprehje tipike shqiptare që përdoret gjatë vakteve.

-Advertisement-

Ky detaj i vogël, por domethënës, është pritur me shumë entuziazëm nga përdoruesit e rrjeteve sociale, veçanërisht nga komuniteti shqiptar, të cilët e kanë komentuar si një gjest respekti ndaj kulturës dhe traditës shqiptare.

Takimi mes Mamdanit dhe Action Bronson kishte në fokus kuzhinën shqiptare, ku reperi me rrënjë shqiptare prezantoi disa nga shijet tradicionale. Megjithatë, momenti kur kryetari i New York-ut foli shqip u bë një nga pjesët më të shpërndara të videos, duke e kthyer atë në një moment viral.

Ky episod tregon edhe një herë se si kultura shqiptare po gjen hapësirë në skenën ndërkombëtare, ndërsa gjeste të tilla të vogla ndihmojnë në promovimin e saj edhe përtej kufijve.