Lajme

Rizvanolli: Bisneset po ndjellin frikë tek qytetarët se nëse ne u’a rrisim çmimin atyre, ata do t’ua rrisin çmimet qytetarëve

Autori: Gazeta inFokus 13:16 | 29 Maj 2025

Ministrja në detyrë e Ekonomisë, Artane Rizvanolli, ka reaguar pas protestës së organizuar nga bizneset kundër kalimit në tregun e lirë për furnizim me energji elektrike.

Në një konferencë për media, ajo u bëri thirrje bizneseve që të ulen në tryezë për dialog dhe të mos përdorin shantazh apo frikësim ndaj qytetarëve.

“Po ju bëj ftesë të gjitha bizneseve nga kjo foltore, pasi informatat nuk kanë arritur deri tek ju përmes odave. Ne jemi të hapur, unë personalisht çdo ditë jam e gatshme të ulem dhe të diskutoj me secilin prej jush për t’i adresuar brengat në mënyrën më të mirë të mundshme,” tha Rizvanolli.

-Advertisement-

Ajo e quajti të papranueshme mënyrën e protestës së disa bizneseve, duke i akuzuar ato për instrumentalizim të punëtorëve, qytetarëve dhe mediave.

“Shantazhi, kërcënimi, instrumentalizimi i punëtorëve duke i nxjerrë në protesta, ndjellja e frikës te qytetarët se nëse ju rritet çmimi i energjisë, do t’ua rrisni edhe atyre – kjo jo vetëm që nuk është zgjidhje, por është plotësisht e papranueshme,” theksoi ministrja.

Deklarata e Rizvanollit vjen në kohën kur bizneset po kundërshtojnë zbatimin e vendimit për liberalizimin e tregut të energjisë, duke paralajmëruar se do të përballen me kosto të larta dhe se qytetarët do të jenë ata që do ta bartin këtë barrë financiare./Gazeta Infokus

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy