Lajme

“S’besoj që investimet e biznesit tim ishin faktor vendimtar për njohje”” – Pacolli paralajmëron ambasadë në Nairobi

Autori: Gazeta inFokus 11:00 | 28 Mars 2025

Ish-presidenti i Kosovës, Behgjet Pacolli, ka vlerësuar se njohja e shtetit të Kosovës nga Kenia është një ndër ngjarjet më të mëdha që nga shpallja e pavarësisë në vitin 2008, duke e cilësuar si “njohjen më të rëndësishme nga kontinenti afrikan”.

Në një prononcim për BBC-në në gjuhën serbe, Pacolli ka paralajmëruar edhe hapjen e ambasadës së Kosovës në kryeqytetin kenian, Nairobi, transmeton Gazeta Infokus.

“Njohja nga Kenia është jashtëzakonisht e rëndësishme, jo vetëm në aspektin politik, por edhe si themel për një bashkëpunim të ardhshëm ekonomik mes dy vendeve,” ka deklaruar ai.

-Advertisement-

Pacolli shtoi se Kosova pritet të hapë së shpejti ambasadën e saj më të rëndësishme në Afrikë, përkrah përfaqësive të vendeve të tjera evropiane dhe rajonale.

Themeluesi i kompanisë ndërkombëtare Mabetex Group, me seli në Lugano të Zvicrës, e cila posedon hotele dhe prona luksoze nëpër botë, theksoi se njohja e Kenias nuk lidhet drejtpërdrejt me aktivitetet e tij afariste në këtë shtet.

“Grupi im tashmë ka investime të rëndësishme në Kenia, si në sektorin e turizmit ashtu edhe në infrastrukturë. Por nuk besoj se këto investime kanë ndikuar drejtpërdrejt në vendimin e Kenias për të njohur Kosovën,” ka përfunduar Pacolli.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy