Lajme

Barduani: Deri në një zgjidhje politike mes Kosovës e Serbisë, KFOR-i do të mbajë praninë e tij të përhershme në Urën e Ibrit

Autori: Gazeta inFokus 11:37 | 14 January 2025

Komandanti i KFOR-it, Enrico Barduani ka thënë se çdo prani e FSK-së në veri të Kosovës, kërkon miratimin paraprak të KFOR-it.

Në bazë të vlerësimit të sigurisë, komandanti i KFOR-t thotë nuk ka dhënë një miratim të tillë, as në rastin e sulmit në Ibër-Lepenc, e as në atë të Banjskës.

KFOR-i do të mbajë praninë e tij të përhershme në urën kryesore të Ibrit dhe do të vazhdojë të kryejë patrullime të rregullta në zonat përreth, ka thënë Barduani. Kjo, siç ka potencuar ai derisa të arrihet një zgjidhje politike mes Kosovës e Serbisë, transmeton gazeta online Reporteri.net.

-Advertisement-

Situata në Kosovë mbetet e qetë, por e ndjeshme, me ekspozim të vazhdueshëm ndaj përshkallëzimit të mundshëm, vlerëson ai.

“Incidente të izoluara ende mund të ndodhin. Parandalimi i plotë i incidenteve të tilla është kompleks, sepse ato shpesh përfshijnë elementë kriminalë ose terroristë që veprojnë në mënyrë të fshehtë dhe të paparashikueshme,” thotë Barduani.

Por KFOR-i vazhdon të monitorojë nga afër situatën në veri të Kosovës, duke siguruar, siç thekson ai, një mjedis të sigurt dhe stabil.

“Mbështetja e institucioneve vendore dhe ruajtja e paanshmërisë, duke qenë plotësisht e përgatitur për t’iu përgjigjur çdo zhvillimi të sigurisë”, tha komandanti.

Barduani në një intervistë për Kossev, ka thënë se është me rëndësi kyçe shmangia e retorikës dhe veprimeve që mund të rrisin tensionet, pasi kjo do të kërcënonte sigurinë dhe stabilitetin në rajon dhe do të ndikonte negativisht në të gjitha komunitetet, tha ai gjithashtu.

KFOR disa herë ka përsëritur se për situatën aktuale ndërmjet Kosovës dhe Serbisë, mund të ketë vetëm një zgjidhje dhe ajo është politike.

Subscribe në YouTube: GAZETA INFOKUSI
Spektakli i Vitit, Ekskluzivisht në Artmotion – BBVK3!
-Advertisement-

Të tjera

Fokusi

lajme