Lajme

Aksioni i Policisë së Kosovës në Ferizaj, arrestohet një person, kapen rreth 20 mijë euro ‘cash’

Autori: Gazeta inFokus 14:36 | 11 January 2025

Zyrtarët policorë në koordinim me Prokurorinë Themelore–Ferizaj, më 10.01.2025, në orët e pas ditës në Ferizaj, në zbatim të një plani operativ, kanë kryer kontrolle në një shtëpi dhe objekte përcjellëse.

Gjatë kontrollit policia ka gjetur substancë që dyshohet të jetë narkotike e llojit kokainë me peshë rreth 842.9 gr. Kjo substancë është gjetur në shtëpi dhe një pjesë e groposur në kopsht.

Po ashtu, janë gjetur dhe sekuestruar dy armë të shkurta (njëra me leje), katër dhjetë fishekë, një peshore digjitale, 19.288 (nëntëmbëdhjetë mijë e dyqind e tetëdhjetë e tetë) euro, disa kartela bankare dhe dëshmi tjera që do të përdoren në procedura të mëtejme ligjore.

-Advertisement-

Operacioni policorë është realizuar nga Drejtoria për Hetimin e Trafikimit me Narkotik

përkrahur nga zyrtarë policorë të Stacioni Policor-Ferizaj. Gjatë operacionit është arrestuar: Q.T., (mashkull kosovar, viti i lindjes 1992). I njëjti ështëintervistuar, ndaj tij është iniciuar rasti për përfshirje në veprat penale: “Blerja, posedimi,shpërndarja dhe shitja e paautorizuar e narkotikëve, substancave psikotrope dhe analoge” dhe‘Mbajtja në pronësi ose kontroll të paautorizuar të armës’. Me aktvendim nga prokurori, i njëjti është dërguar në mbajtje deri në 48 orë.

Subscribe në YouTube: GAZETA INFOKUSI