Lajme

Kosova importoj 302 milionë euro mallra nga Shqipëria

Autori: Gazeta inFokus 16:48 | 05 January 2025

Nga muaji janar deri në muajin nëntor të vitit 2024, Kosova ka importuar nga Shqipëria mallra në vlerë mbi 302 milionë e 299 mijë euro.

Mallrat që më së shumti importohen nga Shqipëria kryesisht janë pemë dhe perime.

Në periudhën e njëjtë të vitit, sipas të dhënave të Doganës së Kosovës, vendi ka importuar domate në vlerë mbi 3 milionë e 300 mijë euro.

-Advertisement-

Mbi 3 milionë është edhe vlera e specave e po aq edhe e shalqinjve të importuar nga Shqipëria.

Ndërkohë që një pemë shumë e kërkuar në fundvit, si mandarina, ndonëse nuk figuron me shifër të veçantë në të dhënat e doganës, importohet nga Shqipëria.

Në muajin dhjetor Bashkimi Evropian bllokoi disa ngarkesa me mandarina që vend origjine kishin Shqipërinë nën dyshimin se kishin pesticide të dëmshme.

Gjashtë ngarkesa bllokoi edhe Kosova, të cilat i testoi e pas analizave, rezultoi se janë të sigurta për konsum.

Vlera e importit të pemëve të tillë shkon mbi dy milionë euro.

Kosova importon nga Shqipëria me shumicë edhe material ndërtimi, për 11 muaj të vitit 2024, mbi 37 milionë euro është vlera e çimentos së bardhë të importuar.

62 milionë e 683 mijë e 320 euro është vlera e energjisë elektrike të importuar gjatë kësaj periudhe nga Shqipëria.

Gjatë vitit 2024, importi nga Shqipëria është rritur dukshëm, duke hyrë në mesin e pesë vendeve nga ku Kosova importon më së shumti. /tch

Subscribe në YouTube: GAZETA INFOKUSI
Po, Po 31 Vetura Dacia Logan shpërblim për konsumator nga ETC
-Advertisement-

Të tjera

Fokusi

lajme