Lajme

Enver Hoxhaj takon policinë, ekipin emergjent dhe zjarrfikësit në Suharekë: Respekt dhe mirënjohje për superheronjtë tanë

Autori: Gazeta inFokus 14:50 | 31 December 2024

Në prag të ndërrimit të moteve, ish-ministri i Jashtëm, Enver Hoxhaj, vizitoi sot, siç tha ai, përfaqësuesit e tri shtyllave kryesore të sigurisë dhe mirëqenies së qytetarëve, Policinë e Kosovës, ekipet e emergjencës mjekësore dhe zjarrfikësit.

Në një atmosferë falënderimi dhe vlerësimi, Hoxhaj i cilësoi këta profesionistë si “superheronjtë tanë të përditshëm”, duke nënvizuar rëndësinë e punës dhe sakrificës së tyre, veçanërisht gjatë festave.

Ai shprehu mirënjohjen për angazhimin dhe guximin e tyre, që janë themelore për sigurinë dhe mirëqenien e komunitetit.

-Advertisement-

“Ditën e fundvitit me Superheronjtë tanë 🌟! Në Suharekë sot pata nderin t’i takoj tri shtyllat kryesore të sigurisë dhe mirëqenies së qytetarëve, të cilët janë gjithnjë në shërbim të qytetarit, edhe në ditë festash. Pjesëtarët e Policisë 👮👮‍♂️, ekipet e emergjencës 👩‍⚕️👨‍⚕️ dhe zjarrfikësit 👩‍🚒👨‍🚒 i falenderova për guximin, sakrificën dhe profesionalizimin e tyre të jashtëzakonshëm! Respekt dhe mirënjohje e pafund për gjithçka që bëni! 🙏”, ka shkruar Hoxhaj, ku ka publikuar edhe një video nga vizitat.

Subscribe në YouTube: GAZETA INFOKUSI