Lajme

Haxhiu: Deri tash janë ngritur 67 aktakuza për krime lufte ndaj 174 personave

Autori: Gazeta inFokus 15:19 | 23 Dhjetor 2024

Ministrja e Drejtësisë, Albulena Haxhiu, ka treguar se aktualisht në bazë të të dhënave janë ngritur 67 aktakuza për krime lufte të ngritura në 62 raste ndaj 174 personave, nga të cilat tha se 10 raste janë duke u gjykuar në mungesë dhe pritet që ky numër të rritet në vazhdimësi.

Kjo sipas saj, pas ndryshimeve të rëndësishme që ndërlidhen me gjykimin në mungesë të kriminelëve serb e duke parë që Serbia nuk i dorëzon kriminelët e luftës e as terroristët e sulme terroriste në kohë të paqes.

“Tani mund të ndiqen penalisht ata që përpiqen të shmangin përgjegjësinë për krimet që kanë kryer. Në bazë të të dhënave siguruar nga sistemi i drejtësisë Departamenti për Krime Lufte, tashmë janë 67 aktakuza të ngritura në 62 raste ndaj 174 personave nga të cilat 10 raste janë duke u gjykuar në mungesë dhe pritet që ky numër pritet të rritet në vazhdimësi. Duke pasur parasysh që Serbia nuk i dorëzon kriminelët e luftës e as terroristët që kryejnë sulme terroriste në kohë të paqes ka qenë e rëndësishme të adresohet gjykimi në mungesë për krime lufte”, tha Haxhiu.

-Advertisement-