Lajme

Vuçiq për protestën masive kundër tij: U mbajt një tubim jashtëzakonisht i madh në Beograd

Autori: Gazeta inFokus 13:14 | 23 December 2024

Presidenti serb, Aleksandar Vuçiq, këtë herë ka pranuar se në Beograd është mbajtur një tubim jashtëzakonisht i madh i njerëzve të cilët, sipas fjalëve të tij, “janë të orientuar drejt opozitës”, dhe ka thënë se është “gjithmonë i gatshëm” të dëgjojë se çfarë mendojnë, si mendojnë dhe çfarë mendojnë se është e rëndësishme që të bëhet për vendin tonë, raporton N1.

“U mbajt një tubim i madh, një tubim vërtet i madh në Beograd. Policia thotë se ka pasur 28.000 deri në 29.000 njerëz. Një grup jashtëzakonisht i madh. Ata njerëz janë të orientuar kah opozita dhe unë kam qenë gjithmonë i gatshëm të dëgjoj se çfarë mendojnë, si mendojnë dhe çfarë mendojnë se është e rëndësishme të bëhet për vendin tonë”, ka thënë Vuçiqi, duke mos përmendur se ata kanë vetëm një kërkesë, që është largimi i tij dhe i qeverisë së tij nga pushteti dhe arrestimi i tyre, transmeton Paparaci.

“Besoj se shumë njerëz mendojnë ndryshe, ndaj duhet të dëgjojmë njëri-tjetrin. Se duhet të jetë një lloj vlere që do të tregojmë dhe një lloj marrëdhënieje ndryshe në të ardhmen. Dhe unë them këtë këtu përballë flamurit që shihni. Ky është flamuri që mbajta në maj të vitit 2024 kur mbrojtëm Serbinë në Asamblenë e Përgjithshme të Kombeve të Bashkuara. Dhe do të thoja se e mbrojtëm me mjaft sukses. Të bashkohemi rreth qëllimeve bazë me trengjyrëshin që të anashkalojmë të gjitha grindjet dhe mosmarrëveshjet tona”, ka thënë Vuçiq, në profilin e tij në Instagram.

-Advertisement-

Subscribe në YouTube: GAZETA INFOKUSI
Vrasja e Lulzim Fejzullahut, vjen reagimi i parë nga ministrja Haxhiu
-Advertisement-

Të tjera

Fokusi

lajme